Düniejüzilik Densaulıq saqtau wyımı Covid-19 virusınıñ bastau közin zertteu üşin Qıtayğa jibergen eki zertteuşisi Beyjiñge jetti. AQŞ jäne birqatar älem elderi qauipti virustıñ jahandıq indetke aynaluına Qıtay ükimetiniñ jauapkerşiligi bar dep sanaydı. Sondıqtan da, halıqaralıq zertteuşi mamandardıñ Qıtayğa baruın Beyjiñ biligi jılı qabılday qoymaydı.

Gonkongtağı South China Morning Post basılımınıñ habarlauınşa, Beyjiñ jaq DDW zertteuşileriniñ Qıtayğa kelui turalı eşqanday mälimdeme taratpağan. Resmi BAQ ta ünsiz qalğan. Qıtay ükimeti eki sarapşınıñ atı-jöni, jwmıs saparları jäne zertteu bağıtı turalı naqtı aqparat bermegen.
Halıqaralıq sarapşılardıñ Beyjiñge senbi jäne jeksenbi künderi barğanın Associated Press agenttigi ğana habarlağan. Qıtay SİM ökili zertteuşilerdiñ Qıtayğa barğanı turalı aqparattı keşe ğana rastadı.

Jahandıq indetke aynalğan virustıñ Qıtaydıñ Uhan' qalasında payda bolğanı bükil älemge belgili. AQŞ , Australiya t.b köptegen elder halıqaralıq qauımdastıqtı Uhanda halıqaralıq täuelsiz zertteuler jürgizuge şaqıruda. Alayda, Qıtay bwl talaptan aşıq bas tartıp otır.

Halıqaralıq BAQ-tıñ habarlauınşa, eki mamannıñ Qıtayğa barudağı missiyası Qıtaydıñ densaulıq saqtau salasınıñ basşılarımen jäne ğalımdarımen birlese jwmıs jasau, aldağı uaqıtta DDW älemge hauip alıp kelgen virus jaylı Qıtayda tergeu jürgizu üşin halıqaralıq arnayı top qwrmaqşı. Al eki zertteuşiniñ Qıtayğa baruı tergeudiñ bastapqı şaraları bolmaq.

Alayda AQŞ ötken aptada DDW-dan şığatının mälimdedi, bwl DDW-nıñ Qıtaymen osı zertteu boyınşa kelissözder jürgizudegi basımdılıq älsiretti. Amerika Qwrama Ştattarı DDW-nıñ eñ iri qoldauşısı bolıp tabıladı, jıl sayın DDW-na şamamen 450 million dollar aqşamen qarjılandıradı.

"The Qazaq Times"