Bügin Qazaqstanda Wlttıq birıñğay testileu bastaldı. Testileuden bir künde tek 6,5 mıñ student ötedi. Ministrliktiñ mälimdeuinşe bwl eñ az sandı lektiñ biri.

Jalpı sanı 161 WBT ötkizu punktiniñ alğaşqı lekte tek 51-i ğana sınaq tapsıruşılardı qabıldaydı. Onıñ 44-i auıldıq jerlerde ornalasqan. Är punktige orta eseppen nebäri 120 tülekten keledi.

21 mausım men 5 şilde aralığında ötetin testileuden bitiruşiler 15 lekke bölinip ötedi. Eldegi koronavirus indetiniñ taraluına baylanıstı test tapsıru punktterinde sanitarlıq sipattağı küşeytilgen şaralar qabıldanadı dep mälimdedi ministrlik.

Sonımen qatar,biılğı birıñğay testileude tülekterge birşama jeñildik jasalınğan. Atap aytqanda, tülekterge kal'kulyator qoldanuğa, sınama testterge tegin qol jetkizuge mümkindik bar. Test tapsıru uaqıtı 4 sağatqa deyin wzartılğan. Bwğan qosa, oquşılar memlekettik emtihandardan da bosatılğan. Ministrlik bwl jeñildikterdi biılğı test swraqtarı qiındağandıqtan engizdik dep otır.

WBT Qazaqstanda 2004 jıldan beri mektep bitiruşilerdiñ bilimin bağalaytın sınaq retinde qoldanılıp keledi. Osı jıldarda wlttıq testileudiñ eşqanday incidentsiz ötken kezi bolmağan.

"The Qazaq Times"