Bıltır qırküyekte Almatı oblısındağı Şamalğan kentinde bolğan avtobus pen poyızdıñ soqtığısına qatıstı sot ükim şığardı.

Almatı oblısına qarastı Qarasay audanınıñ sotı sol kezde aymaq twrğındarın öre türegeltken apatqa ayıptılardıñ qatarında jergilikti stanciya kezekşisi D.Ahmedjanovtı üş jarım jıl şarttı jazağa kesti.

Qarasay audandıq sotı Facebook jelisindegi resmi parağında jariyalağan mälimetke qarağanda, Ahmedjanovqa Qılmıstıq kodekstiñ 344-babı boyınşa ("Temirjol, äue, teñiz nemese özen köligi jürisi nemese olardı paydalanu qauipsizdigi qağidaların bwzu") ayıp tağılğan.

Bıltır 15 qırküyektiñ keşkisin el jwmıstan qaytar kezde Şamalğan stanciyasındağı temirjol ötkelinde Almatı-1-Qostanay bağıtındağı jürdek poezı jäne Qaskeleñ-Almatı-1 bağıtında qatınaytın Setra markası  jolauşılar avtobusı küşti qarqınmen soqtığısıp, saldarınan salonnan şığıp ülgermegen avtobus jürgizuşisi opat bolıp, tağı üş adam (äyel men onıñ eki balası) qattı jaralanğan edi.

Sonday-aq sot jäbirlenuşilerdiñ azamattıq talap arızın qarap, mınaday şeşim şığarğan. Olar:

  • E.Janıbekovağa "Qazaqstan temir jolı" WK AQ-nan 5 mln, "Qaskeleñ avtobus parki" JŞS-nen 5 mln teñge;
  • B.Aubakirğa "Qazaqstan temir jolı" WK AQ-nan 15 mln,  "Qaskeleñ avtobus parki" JŞS-nen 15 mln teñge;
  • L.Djarılgasovağa "Qazaqstan temir jolı" WK AQ-nan 15 mln, sonımen qosa D.Ahmedjanovtan 600 mıñ teñge töleuge mindettedi.