بىلتىر قىركۇيەكتە الماتى وبلىسىنداعى شامالعان كەنتىندە بولعان اۆتوبۋس پەن پويىزدىڭ سوقتىعىسىنا قاتىستى سوت ۇكىم شىعاردى.

الماتى وبلىسىنا قاراستى قاراساي اۋدانىنىڭ سوتى سول كەزدە ايماق تۇرعىندارىن ورە تۇرەگەلتكەن اپاتقا ايىپتىلاردىڭ قاتارىندا جەرگىلىكتى ستانتسيا كەزەكشىسى د.احمەدجانوۆتى ءۇش جارىم جىل شارتتى جازاعا كەستى.

قاراساي اۋداندىق سوتى Facebook جەلىسىندەگى رەسمي پاراعىندا جاريالاعان مالىمەتكە قاراعاندا، احمەدجانوۆقا قىلمىستىق كودەكستىڭ 344-بابى بويىنشا ("تەمiرجول، اۋە، تەڭىز نەمەسە وزەن كولiگi ءجۇرىسى نەمەسە ولاردى پايدالانۋ قاۋiپسiزدiگi قاعيدالارىن بۇزۋ") ايىپ تاعىلعان.

بىلتىر 15 قىركۇيەكتىڭ كەشكىسىن ەل جۇمىستان قايتار كەزدە شامالعان ستانتسياسىنداعى تەمىرجول وتكەلىندە الماتى-1-قوستاناي باعىتىنداعى جۇردەك پوەزى جانە قاسكەلەڭ-الماتى-1 باعىتىندا قاتىنايتىن Setra ماركاسى  جولاۋشىلار اۆتوبۋسى كۇشتى قارقىنمەن سوقتىعىسىپ، سالدارىنان سالوننان شىعىپ ۇلگەرمەگەن اۆتوبۋس جۇرگىزۋشىسى وپات بولىپ، تاعى ءۇش ادام (ايەل مەن ونىڭ ەكى بالاسى) قاتتى جارالانعان ەدى.

سونداي-اق سوت جابىرلەنۋشىلەردىڭ ازاماتتىق تالاپ ارىزىن قاراپ، مىناداي شەشىم شىعارعان. ولار:

  • ە.جانىبەكوۆاعا "قازاقستان تەمىر جولى" ۇك اق-نان 5 ملن، "قاسكەلەڭ اۆتوبۋس پاركى" جشس-نەن 5 ملن تەڭگە;
  • ب.اۋباكيرعا "قازاقستان تەمىر جولى" ۇك اق-نان 15 ملن،  "قاسكەلەڭ اۆتوبۋس پاركى" جشس-نەن 15 ملن تەڭگە;
  • ل.دجارىلگاسوۆاعا "قازاقستان تەمىر جولى" ۇك اق-نان 15 ملن، سونىمەن قوسا د.احمەدجانوۆتان 600 مىڭ تەڭگە تولەۋگە مىندەتتەدى.