Almatı obılsınıñ atqa minerleri «Kedey eldiñ kedey mwğalımin» bir künde baqıttı qılıp jiberdi. Oblıs ortalığı Taldıqorğanğa tiip twrğan Köksu audanınıñ Mwqır eldi mekenindegi jağday osınday bolğanda oblıs ortalığınan şalğaydağı eldi mekenderdiñ jağdayın elestetudiñ özi mwñ şığar. Älde Batalovtıñ komandası qaramağındağı barlıq mwğalimderdi Baybolatovaday baqttı ete ala ma?

Eldegi epidemiyalıq jağday saldarınan bilim jäne ğılım ministrliginiñ jolğa qoyğan qaşıqtan oqıtu bağdarlaması «cifrlı Qazaqstannıñ» sıyqın aşıp tastadı. Azudı ayğa bilep twrıp otız jılğı jetistik retende älemniñ damığan otız eliniñ qatarına kirip elimizdiñ alıs tükpirlerine deyin internetpen qamtılıp cifrlı älemniñ sıyqırlı küşe ie boldıq degen jalğan jarapazanınıñ artı aşılıp jatır. Al sol aşılğan jerdi jaba toqıp älekpiz. Sonıñ bir mısalı Almatı oblsınıñ Köksu audanındağı mektep mwğalimi Mayra Baybolatovanıñ älem jelidegi art-artınan salğan eki türli beynejazbası.

Almatı oblısınıñ äkimdigi «kundelik.kz» ke kiru üşin eki keştiñ arasıda nautbugin arqalap auıl kezip internet izdep jürgen mwğalimniñ jağdayın qalay şeşti. «Qazqastan jerinde jalğız meniñ ünim, meniñ ğana ayqayım emes, barlıq respublika boyınşa qanşa mwğalim osılay jür eken?! ... qayırşı kedey memlekettiñ kedey müğalimimin» dep eki etegi jasqa tolğan mwğalim arağa kün salmay jatıp «Armısızdar qazaq eli men Baybolatova Mayra Berikqızı keşegi küni internet jelisine salğan beyna jazba turalı aqparat bergim keldi. Meni tolğandırıp jürgen mäseleler boyınşa jergilikti atqaruşı bilik organdarı atap öter bolsam Köksu audanınıñ äkimi Almas Qabdılwlı jäne de äkimdiktiñ qızmetkerleri internet jelisine qosılu mäselesin, bolaşaqta baspana mäselesin şeşip beruge uäde berdi. Men halıq ünine qwlaq asatın memleketke senemin. Qazirgi tañda men özimniñ beynejazbamda aytılğanday özimniñ tuğan jerimdi «kedey memleket» dep aytqanım üşin jalpı jwrşılıqtan keşirim swraymın»  degen ündeu jasadı.

Alıs audandardı qoyıp Almatı qalasınan 20 şaqırım audan ortalığı Talğardan 3 şaqırım jerde ornalasqan Qızıl-Qayrat eldi mekenindegi internet izdep üydiñ şatırımen internet wstaydı-au degen biik twğır izdep jürgen öz jağdayımız da «cifrlı qazaqstannıñ» Almatı oblısında sın kötermeytinine kuä. «Qazaqtelekomnan» bastap, äkim qaralarınıñ birazına habarlasıp aqırı Mayranıñ alğaşqı beynejazbasın salğan künniñ kebin keşip otırmız.

Bizdiñ aytpağımız Almatı oblısına qarastı 3 qalanı qaydam 17 audannıñ birazında qaşıqtan oqıtuğa baylanıstı internettiñ qol jetimsizdigin atqa minerler jauırdı jaba toqımay naqtı is-äreketke köşip qol jetimdi etse degen halıq tilegi. Bir Baybolatovanıñ auzın japqanımen Mayra sekildi internet izdegen mıñdağan adamnıñ auzın qalay jappaq?!

The Qazaq Times"