Almatı qalası äkimdigi janındağı tötenşe jağday rejimin qamtamasız etu jönindegi jedel ştab bwrın qabıldanğan qwjattarğa özgerister men tolıqtırular engizdi. Bwl turalı qala äkimdigi baspasöz qızmetiniñ habarladı.

Mälimetter boyınşa, Almatı qalasındağı blok-beketter arqılı kiru/şığuına rwqsat etilgen twlğalar tizimine özgerister engizilgen.

«QR-nıñ özge aymaqtarınıñ qwqıq qorğau jäne arnayı organdarınıñ (WQKD, Prokuratura, ETD, MKD, Sıbaylas jemqorlıqqa qarsı küres qızmeti, JKWB, QR MQK, JP, Wlttıq gvardiya, QM, TJD) qızmettik qajettilikke oray Almatı qalasına kiru jäne şığu üşin aymaqtıq organnıñ birinşi basşısınıñ qolı qoyılğan qağaz jüzinde rwqsatı boluı tiis», - dep habarlaydı Almatı qalası äkimdiginiñ baspasöz qızmeti.

Ayta keteyik, QR Prezidenti janındağı tötenşe jağday rejimin qamtamasız etu jönindegi Memlekettik komissiyanıñ şeşimine säykes şekteulerdiñ qoldanıluı 6 säuir küni sağat 00:00-den 2020 jılğı 13 säuirge deyin wzartıldı.

"The Qazaq Times"