Wlttıq bank pen KASE teñge bağamı jöninde mälimdeme jasadı.

16 naurızda Qazaqstandağı aqşa ayırbastau punkt­terinde dollar bağamı 450 teñgege jetti. Brent markalı mwnay bağası bir kün işinde 14%-ğa jäne jıl basınan 60%-ğa tömendep, barreline 25 dollar bolğan.

Osı jağdaylarda işki valyuta narığına sırtqı faktorlardıñ twraqsızdandıratın äserin şekteu maqsatında Wlttıq Bank «Qazaqstan qor birjası» AQ-men birlesip, Frankfurt aukcionı nısanında 2020 jılğı 19 jäne 20 naurızda teñge-dollar valyutalıq jwbı boyınşa sauda-sattıq ötkizu turalı şeşim qabıldağan.

Wlttıq bank bas­şısı Erbolat Dosaev teñ­ge­niñ dollarğa şaqqandağı kurstı 450-500 teñgege je­tuine jol bermeymiz deydi. Onıñ aytuınşa, Frankfurt aukcionı türindegi sauda – sattıq ötkizu turalı şeşim klientterdiñ ötinişterin qanağattandıruğa jäne valyuta narığındağı jağdaydıñ twraqsızdığına jol bermeuge mümkindik beredi.

"The Qazaq Times"