Ұлттық банк пен KASE теңге бағамы жөнінде мәлімдеме жасады.

16 наурызда Қазақстандағы ақша айырбастау пункт­терінде доллар бағамы 450 теңгеге жетті. Brent маркалы мұнай бағасы бір күн ішінде 14%-ға және жыл басынан 60%-ға төмендеп, барреліне 25 доллар болған.

Осы жағдайларда ішкі валюта нарығына сыртқы факторлардың тұрақсыздандыратын әсерін шектеу мақсатында Ұлттық Банк «Қазақстан қор биржасы» АҚ-мен бірлесіп, Франкфурт аукционы нысанында 2020 жылғы 19 және 20 наурызда теңге-доллар валюталық жұбы бойынша сауда-саттық өткізу туралы шешім қабылдаған.

Ұлттық банк бас­шысы Ерболат Досаев тең­ге­нің долларға шаққандағы курсты 450-500 теңгеге же­туіне жол бермейміз дейді. Оның айтуынша, Франкфурт аукционы түріндегі сауда – саттық өткізу туралы шешім клиенттердің өтініштерін қанағаттандыруға және валюта нарығындағы жағдайдың тұрақсыздығына жол бермеуге мүмкіндік береді.

"The Qazaq Times"