Tabıs tarazısındağı tap körinisi. Foto: Central Asia Monitor

Qazaqstan bay-däulettiler sanı boyınşa TMD elderi arasında ekinşi orınğa jayğastı.

Jaqında Knight Frank halıqaralıq konsalting kompaniyasınıñ The Wealth Report 2020 esebi jariyalanıptı. Finance.kz  telegram arnasınıñ dereginşe, bıltır älemde jeke aktivi 30 million dollardan asatın ul'trahaynetter nemese tabısı öte qomaqtı adamdar qatarı (UHNWI)  31 mıñğa köbeygen.

Dünie jüzi boyınşa atalğan parametrmen 9-şı, al TMD keñistiginde birinşi orında twratın Reseyde mwnday bay-bağlandardıñ sanı  9 mıñğa jetken.  Sonday-aq Ukrainada – 382, Türkimenstanda – 104, Belarussiyada – 28, Täjikstanda – 16, Özbekstanda – 12 otızdıq limon iesi bar bolsa, Qırğızstanda müldem joq. Al  Qazaqstan däl osı qırınan alğanda TMD-da ekinşi orında.

Ratel saytınıñ deregine qarağanda, älemdik reytingte Qazaqstan 660 bay-auqattı adamımen 45-şi Indoneziya jäne 50-şi Filippin arasına twraqtağan körinedi. Alğaşqı orındı – 240 mıñ ul'tramillionerimen AQŞ, ekinşi orındı – 61 mıñ bayşıkeşimen Qıtay ielengen.

Qazaqstanda soñğı jıldarı halıqtıñ äleumettik ömiri qiındap, taza tabısı ortayğandıqtan narazı köñil-küy örşip, sayasi sipat ala bastadı.

"The Qazaq Times"