تابىس تارازىسىنداعى تاپ كورىنىسى. فوتو: Central Asia Monitor

قازاقستان باي-داۋلەتتىلەر سانى بويىنشا تمد ەلدەرى اراسىندا ەكىنشى ورىنعا جايعاستى.

جاقىندا Knight Frank حالىقارالىق كونسالتينگ كومپانياسىنىڭ The Wealth Report 2020 ەسەبى جاريالانىپتى. Finance.kz  تەلەگرام ارناسىنىڭ دەرەگىنشە، بىلتىر الەمدە جەكە اكتيۆى 30 ميلليون دوللاردان اساتىن ۋلتراحاينەتتەر نەمەسە تابىسى وتە قوماقتى ادامدار قاتارى (UHNWI)  31 مىڭعا كوبەيگەن.

دۇنيە ءجۇزى بويىنشا اتالعان پارامەترمەن 9-شى، ال تمد كەڭىستىگىندە ءبىرىنشى ورىندا تۇراتىن رەسەيدە مۇنداي باي-باعلانداردىڭ سانى  9 مىڭعا جەتكەن.  سونداي-اق ۋكراينادا – 382, تۇركىمەنستاندا – 104, بەلارۋسسيادا – 28, تاجىكستاندا – 16, وزبەكستاندا – 12 وتىزدىق ليمون يەسى بار بولسا، قىرعىزستاندا مۇلدەم جوق. ال  قازاقستان ءدال وسى قىرىنان العاندا تمد-دا ەكىنشى ورىندا.

Ratel سايتىنىڭ دەرەگىنە قاراعاندا، الەمدىك رەيتينگتە قازاقستان 660 باي-اۋقاتتى ادامىمەن 45-ءشى يندونەزيا جانە 50-ءشى فيليپپين اراسىنا تۇراقتاعان كورىنەدى. العاشقى ورىندى – 240 مىڭ ۋلتراميلليونەرىمەن اقش، ەكىنشى ورىندى – 61 مىڭ بايشىكەشىمەن قىتاي يەلەنگەن.

قازاقستاندا سوڭعى جىلدارى حالىقتىڭ الەۋمەتتىك ءومىرى قيىنداپ، تازا تابىسى ورتايعاندىقتان نارازى كوڭىل-كۇي ءورشىپ، ساياسي سيپات الا باستادى.

"The Qazaq Times"