Özbekstan prezidenti Ş.Mirzyaevtiñ Qazaqstanğa resmi saparı kezinde. Foto: centralasian.org

Özbekstan prezidenti Şavkat Mirziyaevtiñ Qazaqstan men Türkimenstanğa jasağan saparlarındağı suretterden memleket basşısın küyeu balası küzetip jürgenin köruge boladı.

Mirziyaevtiñ 22-23 naurızda Astanağa saparı kezinde Qazaqstan prezidentiniñ akorda.kz saytı jariyalağan surette özbek basşısınıñ küyeu balası Otabek Şahanov atasınıñ artında twr. Şahanov moynına prezidenttiñ jeke küzeti qızmetkeriniñ beydjin tağıp alğan.

Centre1.com internet basılımınıñ habarlauınşa, Otabek Şahanov esimi Astanağa barğan Özbekstan delegaciyası müşeleriniñ tiziminde twr.

Bwğan deyin Eltuz.com basılımı Mirziyaevtiñ küyeu balası Otabekti qauipsizdik qızmetine jwmısqa alğanın jazğan edi. Mälimetterge qarağanda, Otabek Şahanov biıl qañtardıñ basında prezident qauipsizdigi qızmeti basşısınıñ birinşi orınbasarı bolıp tağayındalğan.

Degenmen Mirziyaevtiñ kişi küyeu balası Otabev Şahanovtıñ osınday qızmetke tağayındalğanı turalı resmi aqparat äli taratılğan joq.