Qıtaydıñ Arktikadağı jwmıs tobı. Foto: Reyter.

Qıtay özin Arktikağa jaqın el retinde körsetkisi keledi jäne soñğı jıldarı Soltüstik Mwzdı mwhittağı qimıldarın jiiletken. Qıtaydıñ bwl qadamdarı bärinen bwrın Qwrama Ştattardı alañdatuda, AQŞ tarabı Arktikada ülesi bar elderge Qıtaydıñ aymaqtıq qauipsizdikke töndiretin qateri turalı eskertip keledi.

Beysenbide Norvegiyanıñ AQŞ-tağı elşiliginde Arktikağa qatıstı köptegen elderiniñ ükimetteri men azamattıq qoğam ökilderin jahandıq jılınuğa baylanıstı Arktikanıñ aldında twrğan qauipsizdik mäselelerin talqılauğa şaqırdı. Osı jiında olar Resey men Qıtaydıñ Arktika ıqtimal qaterleri turalı köbirek aytqan. Şını kerek, klimat, qorşağan ortanı taqırıp etken osınday jinalıstardıñ köbi sayasi tüs alıp, derjavalar arasındağı baqtalastıq anıq körinip jatadı.

AQŞ-tıñ teñiz äskeri küşteriniñ ökilderi Qıtaydıñ Oñtüstik qıtay teñizindegi äskeri qimıldarın alğa tarta otırıp, Beyjiñ biligi bolaşaqta Arktikada da äskeri belsendilikke qabiletti ekenin aytadı.

Ärine, biz klimat özgeristerin jay közben de körip otırmız. Degenmen, derjavalar klimat özgeristerine qarsı nauqanşıldıqtı köbine köp özderiniñ strategiyalıq müddelerine paydalanuğa tırısıp jatqanı bayqaladı. Al, Arktika men Antraktidağa qatıstı dau-damay 10 jıldan keyin bügingi Orta Şığıs mäselesinen de asıp tüsedi dep boljaydı täuelsiz sarapşılar.

“The Qazaq Times”