Europalıq keñes basşısı Donal'd Tusk jäne Qazaqstan prezidenti Qasım-Jomart Toqaev kezdesuinen soñ. Foto: https://dixinews.kz

Bryussel'de ötken Qazaqstan – Euroodaq ıntımaqtastıq keñesiniñ 17-otırısında taraptar keñeytilgen seriktestik jäne ıntımaqtastıq turalı kelisimdi ratifikaciyaladı.

Atalğan kelisim halıqaralıq jäne aymaqtıq qauipsizdik, sauda men investiciyalar, infraqwrılım men innovaciyalar, mädeni jäne gumanitarlıq baylanıstardı damıtuğa bağıttalğan. Basqosu barısında älemdegi jağday, Ortalıq Aziya boyınşa Euroodaqtıñ jaña Strategiyasın jüzege asıru jäne prezident Qasım-Jomart Toqaevtıñ Bryussel'ge resmi saparı talqılandı.

Qazaqstan Sırtqı ister ministri Mwhtar Tileuberdi: «Kelisim tez arada küşine enedi dep oylaymız. Naqtı aytqanda, 1 naurızda degen ümitim bar. Onı jüzege asıru tabıstı äri özara tiimdi ıntımaqtastığımızdı damıtuğa köp mümkindikterdi aşpaq. Eñ aldımen, ol seriktestigimizdiñ jaña basımdıqtarı men salaların belgileydi. Inıtımaqtastıq boyınşa Keñes mäjilisteri bwl kelisimdi iske asıruğa şoğırlanadı. Ol ıntımaqtastığımızdıñ barlıq salaların: sayasi, äleumettik, ekonomikalıq jäne mädeni twstarın qamtığan», – dedi.

Europalıq odaq – Qazaqstannıñ eñ iri investiciyalıq seriktesiniñ biri. Qazaqstan Ortalıq Aziya elderiniñ işinde EO-men keñeytilgen seriktestik jäne ıntımaqtastıq turalı kelisimge eñ birinşi qol qoyğan bolatın. Bıltır jıldıñ soñğı 9 ayında ekijaqtı tauar aynalımı 24 milliard dollarğa juıqtağan.

"The Qazaq Times"