Foto: tass.ru

Halıqaralıq "Şekarasız tilşiler" qwqıq qorğau wyımı WikiLeaks saytınıñ negizin qalauşı Julian Assanjdı Londondağı abaqtıdan bosatuğa şaqırdı. Bwl turalı Ortalıq Aziya Jañalıqtar qızmeti jazdı.

Qwqıq qorğauşılardıñ aytuınşa, Assanjdıñ densaulığı naşarlap ketken. Osığan baylanıstı wyım AQŞ-qa ötiniş jasap, WikiLeaks saytınıñ negizin qalauşıdan barlıq ayıptı alıp tastap, onı ekstradiciyalaudan bas tartuğa şaqırğan.

Vaşington Pentagonnıñ jasırın qwjattarın zañsız alu jäne jariyalau boyınşa tağılğan ayıptar negizinde Wlıbritaniyadan Assanjdı ekstradiciyalaudı talap etip jatır. Qwrama Ştattarda ol 175 jılğa bas bostandığınan ayırıluı mümkin.

Bir ay bwrın ondağan däriger abaqtıda Assanjdıñ ömirine qauip bar ekenin, ol medicinalıq kömekke mwqtaj ekenin mälimdegen.

Assanj 2012 jılı "Zorlau" babımen ayıptalıp jatqan Şveciyağa ekstradiciyalaudan qaşıp, Ekvadordıñ Londondağı elşiliginde uaqıtşa baspana swrağan. Biıl säuirde Ekvador onı beruden bas tartqan soñ, britan policiyası onı qamauğa alğan.

Qaraşada Şveciya prokuraturası Assanjdıñ isin sotqa jiberuge dälel tabılmağandıqtan tergeu isin toqtatqan.

Mamır ayında BWW bayandamaşısı Nil's Mel'cer türmede WikiLeaks saytınıñ negizin qalauşısı psihologiyalıq qısımğa tap bolıp jatqanın mälimdegen.

"The Qazaq Times"