حالىقارالىق "شەكاراسىز تىلشىلەر" قۇقىق قورعاۋ ۇيىمى WikiLeaks سايتىنىڭ نەگىزىن قالاۋشى جۋليان اسسانجدى لوندونداعى اباقتىدان بوساتۋعا شاقىردى. بۇل تۋرالى ورتالىق ازيا جاڭالىقتار قىزمەتى جازدى.
قۇقىق قورعاۋشىلاردىڭ ايتۋىنشا، اسسانجدىڭ دەنساۋلىعى ناشارلاپ كەتكەن. وسىعان بايلانىستى ۇيىم اقش-قا ءوتىنىش جاساپ، WikiLeaks سايتىنىڭ نەگىزىن قالاۋشىدان بارلىق ايىپتى الىپ تاستاپ، ونى ەكستراديتسيالاۋدان باس تارتۋعا شاقىرعان.
ۆاشينگتون پەنتاگوننىڭ جاسىرىن قۇجاتتارىن زاڭسىز الۋ جانە جاريالاۋ بويىنشا تاعىلعان ايىپتار نەگىزىندە ۇلىبريتانيادان اسسانجدى ەكستراديتسيالاۋدى تالاپ ەتىپ جاتىر. قۇراما شتاتتاردا ول 175 جىلعا باس بوستاندىعىنان ايىرىلۋى مۇمكىن.
ءبىر اي بۇرىن ونداعان دارىگەر اباقتىدا اسسانجدىڭ ومىرىنە قاۋىپ بار ەكەنىن، ول مەديتسينالىق كومەككە مۇقتاج ەكەنىن مالىمدەگەن.
اسسانج 2012 جىلى "زورلاۋ" بابىمەن ايىپتالىپ جاتقان شۆەتسياعا ەكستراديتسيالاۋدان قاشىپ، ەكۆادوردىڭ لوندونداعى ەلشىلىگىندە ۋاقىتشا باسپانا سۇراعان. بيىل ساۋىردە ەكۆادور ونى بەرۋدەن باس تارتقان سوڭ، بريتان پوليتسياسى ونى قاماۋعا العان.
قاراشادا شۆەتسيا پروكۋراتۋراسى اسسانجدىڭ ءىسىن سوتقا جىبەرۋگە دالەل تابىلماعاندىقتان تەرگەۋ ءىسىن توقتاتقان.
مامىر ايىندا بۇۇ بايانداماشىسى نيلس مەلتسەر تۇرمەدە WikiLeaks سايتىنىڭ نەگىزىن قالاۋشىسى پسيحولوگيالىق قىسىمعا تاپ بولىپ جاتقانىن مالىمدەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟