Qoğamdıq kölikterdegi til tazalığı tekserildi.

                 Elordada ötip jatqan "Til tazalığı - barşağa ortaq is" jobası jalğasın tabuda. Keşe qoğamdıq kölikterdegi jarnama, körneki aqparattardıñ til zañnamasına säykestigin qarau maqsatında tekseru jürgizildi. Şara barısında birqatar zañ bwzuşılıqtar bayqaldı.

Bwl turalı şarağa qatısqan Qalalıq tilderdi damıtu jäne arhiv isi basqarmasınıñ Bas mamanı Aygül Imanğali: "Qoğamdıq kölikterdiñ işi-sırtındağı tüsindirme mätinder, tölem jasau apparatındağı anıqtama sözder, jarnama ekranındağı jügirtpe joldar jäne özge de körneki aqparattardan memlekettik til talabına qayşı zañ bwzuşılıqtar anıqtaldı" dep atap körsetti.

Tekseru nätijesine oray jinalıs ötkizildi. Oğan avtobus parkteriniñ ökilderi, "Astana LRT" JŞS Köliktik baqılau departamentiniñ direktorı, Kölik mamandarı biliktilik ortalığınıñ direktorı, "Astana LRT" Jarnama beruşilermen jwmıs jönindegi qızmettiñ jetekşisi, "Astana LRT" Jol qozğalısın basqaru departamentiniñ ökilderi, "Astana LRT" JŞS Tölem jüyeleri departamentiniñ ökilderi jäne "Astana LRT" JŞS Qoğammen baylanıs qızmetiniñ ökilderi qatıstı.

Jinalısta bayandama jasağan A.Imanğali jobanıñ män-mañızı turalı tüsindire kelip: "Til tazalığı – barşağa ortaq is» jobası bas qalamızdağı tildik tazalıq pen rettilikti saqtaudı maqsat etedi. Qazirge deyin Päter ieleri kooperativimen, jeke menşik bala baqşalarmen, türli käsipkerlik nısandarımen jwmıs jürgizildi. Ana tildiñ märtebesin köteretin osı bastamağa sizder de ün qosıp, zañ talaptarınıñ mültiksiz orındaluın bastı nazarda wstaularıñız qajet" dedi.

Jiınğa qatısuşılar jalpı til tazalığınıñ saqtaluın qadağalaytındarın bildirdi. "Astana LRT" JŞS Qoğammen baylanıs qızmetiniñ bas menedjeri Äliya Jarqımbekova aldağı uaqıtta zañ talabına säykes kelmeytin barlıq jazbalardı tüzetetinderin jetkizdi.

Ayta keteyik, «Til tazalığı – barşağa ortaq is» jobasına qala basşılığı ülken qoldau körsetip otır. Naqtı jwmıstar qala äkiminiñ orınbasarı M.Bektwrovanıñ tapsırmasına say jürgizilude.

 

“The Qazaq Times”