2016 jılı oraluına 5 ay qalğanda "asılıp ölgen" süyegi tabıtpen jetkizilgen 22 jastağı Sayan Satıbaevtıñ mürdesin tuıstarı kütip alğan sät. Aqmola oblısı. Foto: KTK

Jauaptı organdar Tarazda üyine qaytuğa eki ay qalğan Wlttıq wlannıñ sarbazı asılğan küyde tabılğan deydi. 

Tarazdağı «Qazaqstan respublikası Wlttıq wlanınıñ 5513 äskeri bölimi» RMM. Taraz qalası, Jambıl oblısı. Foto: QazAqparat

Taraz qalasındağı Jänibek Sağadiev basşılıq etetin («Qazaqstan respublikası Wlttıq wlanınıñ 5513 äskeri bölimi» RMM) 5513 äskeri böliminde sarbaz Bolat Batırhannıñ denesi äskeri bölimdegi eki ğimarat quısındağı biik temirge asılıp twrğan jerinen tabılğan desedi. Aqtöbelik jauıngerdiñ üyine oraluına nebäri eki ay qalğan eken.

QR Wlttıq wlanı «Oñtüstik» öñirlik qolbasşısınıñ orınbasarı Niyaztay Älkeşov  auır qayğığa qatıstı «Oqiğa tekserilip jatır. Män-jaydı anıqtaytın bolamız. Eñ soñğı şeşim tergeu ayaqtalğanda belgili boladı», – dedi.

«Denesinde birde-bir soqqınıñ izi joq» degen äskerilerdiñ sözinşe Bolat Batırhan üzdik sarbaz bolğan. Onıñ sureti maqtaulı jauangerlerdiñ qatarınan tüspegen.

Bwğan deyin de 20 jılğa juıq jauınger dayındap jürgen tap osı äskeri bölimde estigenniñ jüregin qınjıltatın qayğılı jağday tirkelgenin esteriñizge salamız. Üş jıl bwrın praporşik qaru-jaraq qoymasında öziniñ tabeldik tapanşasınan oq atıp, köz jwmğan bolatın.

Sarbaz ölimine qatıstı jağday ötken jeksenbi Atırauda orın alğan bolatın. Wlttıq qauipsizdik komitetiniñ Atırau qalasındağı «2016 äskeri böliminiñ» sarbazı, marqwm äskeri bölimge 16 qazan kelgenine qaramastan, arada 10 kün ötpey meningokokk infekciyasımen jansaqtau bölimine tüsip, bir künde qaytıs bolıp ketti.
Qazaqstanda äskerdegi ölim turalı aqparat jii şıqqanmen arnayı statistika joq. Beybit künde eş soğıs jağdayınsız äskerge ayaq-qolı balğaday, sap-sau bolıp barğan jas jigitter tabıtpen nemese mügedek küyde oraluınıñ jileui bwqaranıñ qorğanıs salasına senimin älsiretken.

"The Qazaq Times"