Saud Arabiyası halıqaralıq qauımdastıqtan Iranğa qısımdı arttıruğa şaqırdı. Foto: Saudi FM.

Saud Arabiyası halıqaralıq qauımdastıqtan Iranğa bağıttalğan qısımdı arttırudı swradı. Ötken apta soñındağı BWW Bas Assambleyasınıñ sessiyasında bayandama jasağan Saud Arabiyası SİM basşısı mwnay nısandarına jasalğan şabuıldarğa baylanıstı Iranda ayıptadı jäne osığan oray Iranğa qarsı qısımdı küşeytuge şaqırdı.

Saud Arabiyasınıñ SİM basşısı Ibrahim ben Abdulaziz ben Abdulla äl-Assaf Bas Assambleyanıñ sessiyasında söylegen sözinde Irannıñ öñirdegi keñeyip kele jatqan ıqpalın toqtatudıñ mañızı turalı köbirek toqtaldı. Saud Arabiyasınıñ Iranğa qarsı qısımdı arttıru turalı talaptarın Izrail' tarabı da qoldaytının bildirgen.

Bwdan birneşe jıl bwrın Izrail' prem'eri Ben'yamin Netan'yahu Iran qaupiniñ küşeyui evrey men arab odağınıñ qalıptasuına ıqpal etedi degen pikirin bildirgen. Sol kezde birqatar arab elderi küşeyip kele jatqan Palestin mäselesin alğa tarta otırıp, bwl pikirdi orınsız dep sanağan. Alayda, öñirdegi Iran ıqpalınıñ artuı Saud Arabiyası men Izrail'ge müddelik ortaqtıqtar bere aldı. Irannıñ birqatar arab elderindegi ıqpalı artqan sayın Izrail' men Saud Arabiyası arasında baylanıs küşeye tüsti.

Tehran biligi bolsa, öñirdegi qayşılıqtar men qaqtığıstardıñ bastı qozğauşısı Saud Arabiyası men Izrail' ekenin aytadı. Izrail'diñ Palestinanı jaulau äreketteri men Saud Arabiyasınıñ Yemendegi soğısı bwnıñ bastı däleli dep körsetedi. Bir sözben aytqanda osı üşjaqtı qayşılıqtar arasında Orta Şığıs äli de daulı aymaq küyinde qalıp keledi.

“The Qazaq Times”