Haker. Foto: News.coa.ge

AQŞ ükimeti Reseydiñ barlau agentteriniñ Yahoo (Yahoo! Inc., Yhoo) kompaniyasına hakerlik şabuılmen bwzğınşılıq äreketter jasağanın ayıptadı. AQŞ ükimetiniñ ayıptaması älemnen tıs Reseydiñ barlau agentteri men kiberqılmıskerleri turalı jaña tüsinik qalıptastırıp otır. Bwl turalı "The Wall Street Journal" basılımı habarlaydı.

AQŞ Ädilet departamenti 15 naurız,  särsenbi küni habarlama jariyalap, eki reseylik federaldıq qauipsizdik qızmetkeriniñ Yahoo! Inc kompaniyasına hakerlik şabuıldar jasağanın mälimdedi. FSB-nıñ (Federaldıq qauipsizdik qızmeti) kelip şığuı Keñes odağı twsındağı KGB-dan bastau alatını belgili. AQŞ-tıñ Resey kiberlik şabuıl äreketterin ayıptauı tek bwl ğana emes, bwdan bwrında talay märte bolğan edi. Tipti AQŞ Ortalıq barlau komiteti Reseydiñ AQŞ-tağı prezident saylauına da kiberlik şabuıldar arqılı aralasqanın aytqan bolatın. Al, Kreml' bolsa osınıñ bärin joqqa şığarıp keldi.

Bwl jolı da bir reseylik resmi twlğa, AQŞ jasağan ayıptau turalı bılay dedi: «AQŞ ükimeti işki jeli qauipsizdigin qamtamasız ete almağanın Resey ükimetinen köredi. Oğan qosa işki sayasi janjaldardı da Reseyge jauıp, işki qayşılıqtardı bwrmalau üşin «Resey hakerlik şabuılı» degen atpen Kreml'di istikke şanşıp keledi».

Osı jıl basınan beri, «Reseymen astasqan» amerikalıq şeneunikter jäne Resey kiberqılmıs jasauşılardıñ jwmıstan bosatıluı qızu taqırıpqa aynalıp keldi. Mwnıñ işinde AQŞ jağınan kiberqılmıs tudıruşı dep twtqındalğan eki reseylik barlau qızmetkeri jäne Reseydiñ eñ tanımal internet-küzet kompaniyası Kasperskiy zertqanasınıñ da qızmetkeri bar. Mäskeu tarap bwl aqparattardı resmi türde rastamasa da, BAQ qwraldarında tiisti habarlar tarap jatır. "Şaltay Boltay" (Shaltai Boltai) dep atalatın hakerlik şabuıldı wyımdastıru qimılı turalı bolsın, qazir Reseydiñ kiberqılmıstıq äreketteri älemge äygili boldı.

AQŞ öziniñ ayıptauın jasadı, alayda bwğan Resey Federaldıq qauipsizdik qızmetinen (FSB) naqtı jauap alu mümkin emes.

“The Qazaq Times”