حاكەر. فوتو: News.coa.ge

اقش ۇكىمەتى رەسەيدىڭ بارلاۋ اگەنتتەرىنىڭ Yahoo (Yahoo! Inc.، Yhoo) كومپانياسىنا حاكەرلىك شابۋىلمەن بۇزعىنشىلىق ارەكەتتەر جاساعانىن ايىپتادى. اقش ۇكىمەتىنىڭ ايىپتاماسى الەمنەن تىس رەسەيدىڭ بارلاۋ اگەنتتەرى مەن كيبەرقىلمىسكەرلەرى تۋرالى جاڭا تۇسىنىك قالىپتاستىرىپ وتىر. بۇل تۋرالى "The Wall Street Journal" باسىلىمى حابارلايدى.

اقش ادىلەت دەپارتامەنتى 15 ناۋرىز،  سارسەنبى كۇنى حابارلاما جاريالاپ، ەكى رەسەيلىك فەدەرالدىق قاۋىپسىزدىك قىزمەتكەرىنىڭ Yahoo! Inc كومپانياسىنا حاكەرلىك شابۋىلدار جاساعانىن مالىمدەدى. فسب-نىڭ (فەدەرالدىق قاۋىپسىزدىك قىزمەتى) كەلىپ شىعۋى كەڭەس وداعى تۇسىنداعى كگب-دان باستاۋ الاتىنى بەلگىلى. اقش-تىڭ رەسەي كيبەرلىك شابۋىل ارەكەتتەرىن ايىپتاۋى تەك بۇل عانا ەمەس، بۇدان بۇرىندا تالاي مارتە بولعان ەدى. ءتىپتى اقش ورتالىق بارلاۋ كوميتەتى رەسەيدىڭ اقش-تاعى پرەزيدەنت سايلاۋىنا دا كيبەرلىك شابۋىلدار ارقىلى ارالاسقانىن ايتقان بولاتىن. ال، كرەمل بولسا وسىنىڭ ءبارىن جوققا شىعارىپ كەلدى.

بۇل جولى دا ءبىر رەسەيلىك رەسمي تۇلعا، اقش جاساعان ايىپتاۋ تۋرالى بىلاي دەدى: «اقش ۇكىمەتى ىشكى جەلى قاۋىپسىزدىگىن قامتاماسىز ەتە الماعانىن رەسەي ۇكىمەتىنەن كورەدى. وعان قوسا ىشكى ساياسي جانجالداردى دا رەسەيگە جاۋىپ، ىشكى قايشىلىقتاردى بۇرمالاۋ ءۇشىن «رەسەي حاكەرلىك شابۋىلى» دەگەن اتپەن كرەملدى ىستىككە شانشىپ كەلەدى».

وسى جىل باسىنان بەرى، «رەسەيمەن استاسقان» امەريكالىق شەنەۋنىكتەر جانە رەسەي كيبەرقىلمىس جاساۋشىلاردىڭ جۇمىستان بوساتىلۋى قىزۋ تاقىرىپقا اينالىپ كەلدى. مۇنىڭ ىشىندە اقش جاعىنان كيبەرقىلمىس تۋدىرۋشى دەپ تۇتقىندالعان ەكى رەسەيلىك بارلاۋ قىزمەتكەرى جانە رەسەيدىڭ ەڭ تانىمال ينتەرنەت-كۇزەت كومپانياسى كاسپەرسكي زەرتقاناسىنىڭ دا قىزمەتكەرى بار. ماسكەۋ تاراپ بۇل اقپاراتتاردى رەسمي تۇردە راستاماسا دا، باق قۇرالدارىندا ءتيىستى حابارلار تاراپ جاتىر. "شالتاي بولتاي" (Shaltai Boltai) دەپ اتالاتىن حاكەرلىك شابۋىلدى ۇيىمداستىرۋ قيمىلى تۋرالى بولسىن، قازىر رەسەيدىڭ كيبەرقىلمىستىق ارەكەتتەرى الەمگە ايگىلى بولدى.

اقش ءوزىنىڭ ايىپتاۋىن جاسادى، الايدا بۇعان رەسەي فەدەرالدىق قاۋىپسىزدىك قىزمەتىنەن (فسب) ناقتى جاۋاپ الۋ مۇمكىن ەمەس.

“The Qazaq Times”