Birlesken oqu-jattığu Ündi mwhitınıñ Parsı şığanağına jaqın mañda ötkizilui mümkin. Foto: Jerusalem Post.

Resey Parsı şığanağındağı oyındarğa şındap kirispek. Eki eldiñ Sırtqı ister ministrliginiñ ökilderi qırküyektiñ basında Mäskeude kezdesu ötkizgennen keyin Reseydiñ şığanaq mañındağı belsendiligi arta tüsti. Bir kün bwrın eki el birlesken äskeri oqu-jattığuların ötkizuge dayın ekenderin jetkizdi.

Irannıñ IRNA aqparattıq agenttiginiñ habarına qarağanda, Resey men Iran teñiz küşteri birlesken oqu-jattığudı Ündi mwhitında ötkizbek. Iran SİM tarabı jattığudıñ beybit maqsatta ötetinin, özge elderdiñ de qatısuğa ötiniş bildirip jatqanın aytqan.

Iran Sırtqı ister ministri Javad Zarif AQŞ-tıñ Iranğa qarsı äreketi dwşpandıq äreket dep bağalap, Qwrama Ştattıñ şığanaqtağı äskeri äreketterine qarsı jäne öñirlik qauipsizdikti qamtamasız etu maqsatında Reseymen qorğanıs, sonıñ işinde teñiz qorğanıs salasında ıntımaqtastıqtı damıta tüsetinderin jetkizgen.

Iran men Reseydiñ äskeri jattığu turalı mälimdemelerinen keyin, Izrail' AQŞ jäne Reseydi Iran taqırıbın talqılauğa üştik keñeske şaqırğan. Izrail' tarabı Irannıñ Süriyadağı äreketteri Izrail'diñ qauipsizdigine qater töndiredi dep ayıptap kelgen.

“The Qazaq Times”