بىرلەسكەن وقۋ-جاتتىعۋ ءۇندى مۇحيتىنىڭ پارسى شىعاناعىنا جاقىن ماڭدا وتكىزىلۋى مۇمكىن. فوتو: Jerusalem Post.

رەسەي پارسى شىعاناعىنداعى ويىندارعا شىنداپ كىرىسپەك. ەكى ەلدىڭ سىرتقى ىستەر مينيسترلىگىنىڭ وكىلدەرى قىركۇيەكتىڭ باسىندا ماسكەۋدە كەزدەسۋ وتكىزگەننەن كەيىن رەسەيدىڭ شىعاناق ماڭىنداعى بەلسەندىلىگى ارتا ءتۇستى. ءبىر كۇن بۇرىن ەكى ەل بىرلەسكەن اسكەري وقۋ-جاتتىعۋلارىن وتكىزۋگە دايىن ەكەندەرىن جەتكىزدى.

يراننىڭ IRNA اقپاراتتىق اگەنتتىگىنىڭ حابارىنا قاراعاندا، رەسەي مەن يران تەڭىز كۇشتەرى بىرلەسكەن وقۋ-جاتتىعۋدى ءۇندى مۇحيتىندا وتكىزبەك. يران ءسىم تارابى جاتتىعۋدىڭ بەيبىت ماقساتتا وتەتىنىن، وزگە ەلدەردىڭ دە قاتىسۋعا ءوتىنىش ءبىلدىرىپ جاتقانىن ايتقان.

يران سىرتقى ىستەر ءمينيسترى جاۆاد زاريف اقش-تىڭ يرانعا قارسى ارەكەتى دۇشپاندىق ارەكەت دەپ باعالاپ، قۇراما شتاتتىڭ شىعاناقتاعى اسكەري ارەكەتتەرىنە قارسى جانە وڭىرلىك قاۋىپسىزدىكتى قامتاماسىز ەتۋ ماقساتىندا رەسەيمەن قورعانىس، سونىڭ ىشىندە تەڭىز قورعانىس سالاسىندا ىنتىماقتاستىقتى دامىتا تۇسەتىندەرىن جەتكىزگەن.

يران مەن رەسەيدىڭ اسكەري جاتتىعۋ تۋرالى مالىمدەمەلەرىنەن كەيىن، يزرايل اقش جانە رەسەيدى يران تاقىرىبىن تالقىلاۋعا ۇشتىك كەڭەسكە شاقىرعان. يزرايل تارابى يراننىڭ سۇرياداعى ارەكەتتەرى ءيزرايلدىڭ قاۋىپسىزدىگىنە قاتەر توندىرەدى دەپ ايىپتاپ كەلگەن.

“The Qazaq Times”