Köktemgi bwzılğan señ. Foto: water-rf.ru

Mamandardıñ aytuınşa Soltüstik Qazaqstan oblısına  naurız ayınıñ soñı, säuir ayınıñ basında köp mölşerde su tasqını kelui mümkin. 

Sondıqtan 9 naurızda  Petropavl qalasında «Köktem-2017» respublikalıq komandalıq-ştabtıq oquları ayasında  köktemgi su tasqını kezeñinde şarttı  tötenşe jağdaydı aldın alu boyınşa arnayı oqu-jattığuları ötti. Bwl turalı oblstıñ baspasöz qızmeti habarlaydı.

Oqu-jattığular üşin Petropavlda Podgora audanındağı bögetti tañdadı. Bwl jer kezdeysoq tañdalğan joq, onıñ mañında Esil özeni ağadı. Jıl sayın su tasığan kezde jergilikti twrğındar biraz qiındıqtarğa wşıraydı.

Tötenşe jağdaylar qızmetkerleriniñ jattığu josparı boyınşa su bögetti bwzıp ötip, üylerdi alıp ketti. Twrğındar jedel türde köşirildi. Podgora audanında şamamen mıñ jarımday adam twradı.

Kedergili qorşaular nığaytılude. Bwl maqsattar üşin eki kamaz inertti materialdar äkelindi. Barlığı million tonnadam astam su bögeu zattarı äzirlengen.

Mwnda Wlttıq Wlannıñ sarbazdarı tospanı nığaytuda. Sonımen qatar ört söndiruşiler sanaulı minuttar işinde örtti öşirdi. Al, suda jedel qwtqaru jasağınıñ qızmetkerleri suğa batıp kete jazdağan er adamğa kömek körsetude.

Kötemgi su tasqınına qarsı dayındıq pen özge tötenşe jağdaylardıñ bolğanın SQO äkiminiñ orınbasarı, oblıstıq köktemgi su tasqınına qarsı ştabtıñ jetekşisi  Anton Fedyaev bayqadı.

Mümkin bolatın kötemgi su tasqına qarsı 3 mıñday qwtqaruşı men 600-den astam tehnika jwmıldırıldı.