Iran mwnay tankeri Gibraltar jağalauında wstaldı. Foto: IRNA

Britaniyanıñ teñiz äskeri küşteri Gibraltar jağalauında Iran mwnay tankerin twtqındağan. Resmi mälimdemede aytıluınşa, Iran mwnay tankeri 2011 jılı Süriyağa qarsı engizgen sankciyanı bwzğan. Alayda, Tehran bwl ayıptaudı joqqa şığardı.

Iran sırtqı ister ministri Mwhammed Javad Zarif Britaniya teñiz küşteriniñ bwl äreketin «teñiz qaraqşılığı» dep bağalağan. Iran SİM tarabı eldegi Britaniya elşisin osı mäsele boyınşa arnayı tüsinik beruin talap etken. Sırtqı ister ministrliginiñ resmi ökili jasağan mälimdemede: «Iran tankeriniñ wstaluı – zañsız äri qayşılıq tudıruşı qaterli äreket», – dep eskertken.

Iran ükimeti Britaniyanı AQŞ-tıñ talabı boyınşa mwnay tankerin wstap otır dep qaraydı. Mwnay toltırılğan tanker halıqaralıq su joldarınıñ erejesine say äri dwrıs bağıtta ketip bara jatqanın alğa tartadı.

Irannıñ IRNA aqparat agenttigindegi habarda bwl turalı: «Britaniya teñiz küşteriniñ irandıq mwnay tankerin wstauı jäne London biliginiñ bwl teñiz qaraqşılıq äreketin qoldauı, şın mänisinde, Europanıñ AQŞ aldındağı älsizdigi, äri täuelsiz şeşim qabılday almaytındığın körsetti», – dep jazğan.

“The Qazaq Times”