Tramp pen Pompeo. Foto: Politico.

AQŞ prezidenti Donal'd Tramp kezekti soñğı mälimdemeleriniñ birinde, Ormuz bwğazındağı mwnay tasımaldau joldarınıñ qauipsizdigine tek qana AQŞ jauap bermeytinin, Qıtay qatarlı özge de elderdiñ bwl jauapkerşilikti bölisui kerek ekenin jetkizdi.

AQŞ prezidenti sözinde: «Qıtay mwnay importınıñ 91 payızı Ormuz bwğazınan ötedi, Japoniyada 62 payızdı ieleydi. Bwdğan özge de elder bar. Nege köptegen elder paydalanatın su jolın köptegen jıldar boyı biz tölemsiz qadağalauımız kerek», – degen.

Ormuzdağı mwnay tankeri jäne AQŞ äskeri kemesi. Foto: USAF.

Prezident Tramptıñ aytuınşa Ormuz bwğazı arqılı ötetin mwnaydı paydalanatın barlıq el öz reysterin qorğauğa mindetti. «Bizge endi ol jerde bolu kerek emes, sebebi, AQŞ qazir älemdegi eñ iri energiya öndiruşi el boldı», – dedi Tramp.

Prezident Tramp, sonday-aq, AQŞ-tıñ Iranğa qoyğan talaptarında qaytalap ötken. Ol Qwrama Ştat Irannan öte qarapayım närseni – yadrolıq qarudı damıtpau jäne terrorizmdi qoldamaudı talap etip otırğanın aytqan.

Biraq, AQŞ memlekettik hatşısı Mayk Pompeo men prezident Tramptıñ bir kündegi pikiri wqsamay şıqtı. Saud Arabiyasınıñ patşası Salman Abdul-Aziz äs-Saudpen kezdesuden keyin Pompeo Ormuz bwğazınıñ qauipsizdigi men halıqaralıq aşıq su jolı qwqığın qorğaudı arttıru turalı keliskenin aytqan.

 “The Qazaq Times”