AQŞ Qıtaydıñ wyımdarı men jeke twlğalarına sankciya engizdi. Foto: Reuteres7

AQŞ jaña sankciya tizimin jariyalap, Qıtaydıñ 13 wyımı men jeke twlğasına şekteu qoydı. Sankciya tiziminde odan tıs Resey, Iran jäne Süriyanıñ 9 wyımı da bar. Qwrama Ştat ükimeti atalğan wyımdar men jeke twlğağa Iran, Süriya jäne Soltüstik Koreyağa qatıstı baqılau tizimindegi elementterdi, tehnologiyalar nemese qızmetterdi jetkizbeu, sonday-aq, yadrolıq qarulardı taratpau turalı erejelerdi bwzğan dep ayıptağan. 

Sankciya talabına say, AQŞ Memlekettik departamentiniñ rwqsatınsız atalğan wyımdar men jeke twlğalar Qwrama Ştattağı kez-kelgen şaralarğa qatısa almaydı, äri AQŞ-tıñ kez-kelgen mekemesi bwl twlğalardıñ tauarların, tehnologiyaların, qızmet öteuin qabıldauına bolmaydı. Sankciya tizimindegi birqatar wyımdar men jeke twlğalardıñ Qwrama Ştatpen qatıstı esep şottarı mwzdatıladı.

AQŞ sankciya tizimine engen qıtaylıq wyımdar men jeke twlğalardıñ (filialdarı men mwragerleri de qamtıladı) Qıtaydıñ wlttıq kompaniyaları men qaltalı käsipkerleri de bar. Atalğan wyımdar men jekeler Soltüstik Koreya, Iran qatarlı elderdiñ tıyım salınğan tehnologiyaların, önimderin jäne yadrolıq bağdarlamağa qatısı bar tasımal isterimen aynalısqan delingen.

Kezekti sankciya tizimi turalı mälimet YAdrolıq qarudı taratpau turalı halıqaralıq wyımına joldanğan. Eger, Memlekettik departament sankciya merzimin wzartu şeşimin şığarmasa, 2021 jılı 14 mamırğa deyin küşine ie.

“The Qazaq Times”