اقش قىتايدىڭ ۇيىمدارى مەن جەكە تۇلعالارىنا سانكتسيا ەنگىزدى. فوتو: Reuteres7

اقش جاڭا سانكتسيا ءتىزىمىن جاريالاپ، قىتايدىڭ 13 ۇيىمى مەن جەكە تۇلعاسىنا شەكتەۋ قويدى. سانكتسيا تىزىمىندە ودان تىس رەسەي، يران جانە ءسۇريانىڭ 9 ۇيىمى دا بار. قۇراما شتات ۇكىمەتى اتالعان ۇيىمدار مەن جەكە تۇلعاعا يران، ءسۇريا جانە سولتۇستىك كورەياعا قاتىستى باقىلاۋ تىزىمىندەگى ەلەمەنتتەردى، تەحنولوگيالار نەمەسە قىزمەتتەردى جەتكىزبەۋ، سونداي-اق، يادرولىق قارۋلاردى تاراتپاۋ تۋرالى ەرەجەلەردى بۇزعان دەپ ايىپتاعان. 

سانكتسيا تالابىنا ساي، اقش مەملەكەتتىك دەپارتامەنتىنىڭ رۇقساتىنسىز اتالعان ۇيىمدار مەن جەكە تۇلعالار قۇراما شتاتتاعى كەز-كەلگەن شارالارعا قاتىسا المايدى، ءارى اقش-تىڭ كەز-كەلگەن مەكەمەسى بۇل تۇلعالاردىڭ تاۋارلارىن، تەحنولوگيالارىن، قىزمەت وتەۋىن قابىلداۋىنا بولمايدى. سانكتسيا تىزىمىندەگى بىرقاتار ۇيىمدار مەن جەكە تۇلعالاردىڭ قۇراما شتاتپەن قاتىستى ەسەپ شوتتارى مۇزداتىلادى.

اقش سانكتسيا تىزىمىنە ەنگەن قىتايلىق ۇيىمدار مەن جەكە تۇلعالاردىڭ (فيليالدارى مەن مۇراگەرلەرى دە قامتىلادى) قىتايدىڭ ۇلتتىق كومپانيالارى مەن قالتالى كاسىپكەرلەرى دە بار. اتالعان ۇيىمدار مەن جەكەلەر سولتۇستىك كورەيا، يران قاتارلى ەلدەردىڭ تىيىم سالىنعان تەحنولوگيالارىن، ونىمدەرىن جانە يادرولىق باعدارلاماعا قاتىسى بار تاسىمال ىستەرىمەن اينالىسقان دەلىنگەن.

كەزەكتى سانكتسيا ءتىزىمى تۋرالى مالىمەت يادرولىق قارۋدى تاراتپاۋ تۋرالى حالىقارالىق ۇيىمىنا جولدانعان. ەگەر، مەملەكەتتىك دەپارتامەنت سانكتسيا مەرزىمىن ۇزارتۋ شەشىمىن شىعارماسا، 2021 جىلى 14 مامىرعا دەيىن كۇشىنە يە.

“The Qazaq Times”