Qazaqstandağı azamattardıñ jinaq aqşasınıñ kölemi azayıp, kerisinşe bölşek nesieniñ ülesi ösip keledi. Bwl turalı Almatıda ötken baspasöz konferenciyasında "Qazaqstan Halıq banki" AQ basqarma törayımı Ümit Şayahmetova ayttı.

"Jalpı 2019 jıldıñ birinşi toqsanında banktik sektor aktivteri tömendedi. Sonday-aq, depozitter men nesie alu körsetkişi de azaydı. Alayda, bölşek nesie aludıñ körsetkişi ösip keledi. Bügingi küni mwnday nesieniñ ülesi 27% qwraydı. Adamdar nesieni köp jağdayda jöndeu jwmıstarına, eñbek demalısına jäne toyğa aladı. Ortaşa eseppen alğanda, bir kilent 800-900 mıñ teñge qarız", - dedi Ümit Şayahmetova.

Sonday-aq, Halyk tobınıñ taza kirisi 2019 jılğı 1 toqsanda 74,5 mlrd teñgeni qwrağan. Bwl 2018 jılğı osı kezeñniñ nätijesinen (62,1 mlrd teñgege) 20,1%-ğa joğarı. Bwl ösimge operaciyalıq şığıstardıñ tömendeui men taza payızdıq kiristiñ joğarı deñgeyi negizgi sebep bolğan.

"Qazkom-men birigudiñ sinergiyası öz nätijelerin 2019 jıldıñ 1-toqsanında-aq körsetti. Filialdar jelisin oñtaylandıru esebinen operaciyalıq şığıstardı edäuir qısqarta aldıq, ssudalıq portfel'diñ sapasın arttıruğa bağıttalğan belsendi jwmıstar proviziyalardı qwruğa ketetin şığındardı twraqtandıruğa mümkindik berdi. 2018 jılğı tabıstı jwmıstıñ nätijeleri boyınşa dividentterdiñ teñdessiz mölşerin tölegennen keyin de Bankti kapitaldandıru slasında eñ joğarı bolıp twr - 20% därejesinde", - dedi ol.

"The Qazaq Times"