Foto: enpf.kz

Birıñğay jinaqtauşı zeynetaqı qorı qarjı jurnalistikası boyınşa BJZQ mektebi ayasında osımen törtinşi ret BAQ ökilderi, blogerler jäne jurnalistika fakul'tetiniñ studentteri üşin oqıtu kursın ötkizedi. Bwl jolğı kurs taqırıbı: «Qazaqstan Respublikasınıñ jinaqtauşı zeynetaqı jüyesi turalı qajetti mağlwmattar».  

Mektepti ötkizudegi maqsat - Qazaqstan Respublikasınıñ jinaqtauşı zeynetaqı jüyesi boyınşa jurnalisterdiñ biliktiligin arttıru; taldamalı kontent jasau üşin zeynetaqı jüyesi boyınşa qwzıret pen käsibi bilimdi tereñdetu; bilim aluğa, özara täjiribe almasuğa, sonımen qatar jurnalister, blogerler, jurnalistika fakul'tetiniñ studentteri jäne BJZQ ökilderiniñ  käsibi twrğıda birlese äreket jasauına mümkindik beru.

Kurs bağdarlamasında mına taqırıptar boyınşa oqıtu modul'deri wsınıladı: zeynetaqı jüyesiniñ model'deri, otandıq jinaqtauşı zeynetaqı jüyesiniñ erekşelikteri, zeynetaqı zañnamasındağı özgerister, jinaqtauşı zeynetaqını josparlau jäne esepteu, qoldanıstağı elektrondıq servister, zeynetaqı aktivterin basqaru boyınşa investiciyalıq qızmet, «BJZQ» AQ aqparattıq jwmısı.

Mektepke qatısu üşin jurnalister, blogerler jäne jurnalistika fakul'tetiniñ studentteri ötinimderin 2019 jıldıñ 15 säuirine deyin  press@enpf.kz elektrondıq poştasına jiberuleri tiis.

Qatısuşı ötiniminde :

  • tegin, atın, äkesiniñ atın;
  • BAQ, lauazımın, jwmıs türin (bloger nemese student);
  • kurstıñ künin;
  • baylanıs telefonın (wyalı telefon, elektrondıq poşta) körsetui qajet.

Mekteptiñ mekenjayı: Nwr-Swltan qalası, Abay dañğılı (Sarıarqa köş. bwrışı) «İsker» biznes-ortalığı.

Oqıtu kursın ötkizu uaqıtı:

2019 jıldıñ 18 säuirinde – sağat 09.30-dan 17.30-ğa deyin orıs tilinde,

2019 jıldıñ 19 säuirinde – sağat 09.30-dan 17.30-ğa deyin qazaq tilinde.

"The Qazaq Times"