بجزق قارجى جۋرناليستيكاسى بويىنشا كۋرس وتكىزبەك

بىرىڭعاي جيناقتاۋشى زەينەتاقى قورى قارجى جۋرناليستيكاسى بويىنشا بجزق مەكتەبى اياسىندا وسىمەن ءتورتىنشى رەت باق وكىلدەرى، بلوگەرلەر جانە جۋرناليستيكا فاكۋلتەتىنىڭ ستۋدەنتتەرى ءۇشىن وقىتۋ كۋرسىن وتكىزەدى. بۇل جولعى كۋرس تاقىرىبى: «قازاقستان رەسپۋبليكاسىنىڭ جيناقتاۋشى زەينەتاقى جۇيەسى تۋرالى قاجەتتى ماعلۇماتتار».  

مەكتەپتى وتكىزۋدەگى ماقسات - قازاقستان رەسپۋبليكاسىنىڭ جيناقتاۋشى زەينەتاقى جۇيەسى بويىنشا جۋرناليستەردىڭ بىلىكتىلىگىن ارتتىرۋ; تالدامالى كونتەنت جاساۋ ءۇشىن زەينەتاقى جۇيەسى بويىنشا قۇزىرەت پەن كاسىبي ءبىلىمدى تەرەڭدەتۋ; ءبىلىم الۋعا، ءوزارا تاجىريبە الماسۋعا، سونىمەن قاتار جۋرناليستەر، بلوگەرلەر، جۋرناليستيكا فاكۋلتەتىنىڭ ستۋدەنتتەرى جانە بجزق وكىلدەرىنىڭ  كاسىبي تۇرعىدا بىرلەسە ارەكەت جاساۋىنا مۇمكىندىك بەرۋ.

كۋرس باعدارلاماسىندا مىنا تاقىرىپتار بويىنشا وقىتۋ مودۋلدەرى ۇسىنىلادى: زەينەتاقى جۇيەسىنىڭ مودەلدەرى، وتاندىق جيناقتاۋشى زەينەتاقى جۇيەسىنىڭ ەرەكشەلىكتەرى، زەينەتاقى زاڭناماسىنداعى وزگەرىستەر، جيناقتاۋشى زەينەتاقىنى جوسپارلاۋ جانە ەسەپتەۋ، قولدانىستاعى ەلەكتروندىق سەرۆيستەر، زەينەتاقى اكتيۆتەرىن باسقارۋ بويىنشا ينۆەستيتسيالىق قىزمەت، «بجزق» اق اقپاراتتىق جۇمىسى.

مەكتەپكە قاتىسۋ ءۇشىن جۋرناليستەر، بلوگەرلەر جانە جۋرناليستيكا فاكۋلتەتىنىڭ ستۋدەنتتەرى وتىنىمدەرىن 2019 جىلدىڭ 15 ساۋىرىنە دەيىن  press@enpf.kz ەلەكتروندىق پوشتاسىنا جىبەرۋلەرى ءتيىس.

قاتىسۋشى وتىنىمىندە :

• تەگىن، اتىن، اكەسىنىڭ اتىن;
• باق، لاۋازىمىن، جۇمىس ءتۇرىن (بلوگەر نەمەسە ستۋدەنت);
• كۋرستىڭ كۇنىن;
• بايلانىس تەلەفونىن (ۇيالى تەلەفون، ەلەكتروندىق پوشتا) كورسەتۋى قاجەت.

مەكتەپتىڭ مەكەنجايى: نۇر-سۇلتان قالاسى، اباي داڭعىلى (سارىارقا كوش. بۇرىشى) «ىسكەر» بيزنەس-ورتالىعى.

وقىتۋ كۋرسىن وتكىزۋ ۋاقىتى:

2019 جىلدىڭ 18 ساۋىرىندە – ساعات 09.30-دان 17.30-عا دەيىن ورىس تىلىندە،

2019 جىلدىڭ 19 ساۋىرىندە – ساعات 09.30-دان 17.30-عا دەيىن قازاق تىلىندە.

"The Qazaq Times"