Atamqwlov Azimidi qabıldadı. Foto: QR SİM.

Keşe, Auğanstannıñ Qazaqstandağı elşisi Mwhammad Farhad Azimimen kezdesken QR SİM basşısı Atamqwlov Auğanstanmen qarım-qatınastı nığayta tüsetinin mälimdedi. Bwl Turalı QR SİM-niñ resmi saytında habarlanğan bolatın.

SİM basşısı Beybit Atamqwlov kezdesude Qazaqstandı Auğanstannıñ beybitşilik procesi men qayta qalpına keltiru isine üles qosıp kele jatqan el retinde bağaladı. Äri Auğanstanğa astıq pen astıq önimderin eksporttau, temir jol jäne infraqwrılımdıq jobalardı iske asıruğa, sonday-aq, bilim beru salasındağı ıntımaqtastıqtı jalğastı saqtaytının aytqan.

Atamqwlov pen Azimidiñ kezdesuinde Qazaqstan-Auğanstan arasında äskeri tehnikalıq ıntımaqtastıq qolğa alınuı mümkin ekeni aytılğan. Öziniñ kezeginde Azimi de qazaq biligi men basşısına eline köñil bölip otırğanı üşin alğısın da bildirgen.

Qazir Auğanstan jağdayında kürdeli özgerister bolıp jatqanı belgili. Onda derjavalar oyın erejelerin jañalap, qadamdarın jiilete tüsti. Älemdik geosayasattıñ keñistiginde Auğanstan taqırıbı jii talqılanıp, oyınğa qatısuşı elder köbeye tüsude. Bwl rette qazaq biligi de öziniñ öñirdegi rölin körsetui orındı deuge boladı.

“The Qazaq Times”