اتامقۇلوۆ ءازيميدى قابىلدادى. فوتو: قر ءسىم.

كەشە، اۋعانستاننىڭ قازاقستانداعى ەلشىسى مۇحامماد فارحاد ازيميمەن كەزدەسكەن قر ءسىم باسشىسى اتامقۇلوۆ اۋعانستانمەن قارىم-قاتىناستى نىعايتا تۇسەتىنىن مالىمدەدى. بۇل تۋرالى قر ءسىم-ءنىڭ رەسمي سايتىندا حابارلانعان بولاتىن.

ءسىم باسشىسى بەيبىت اتامقۇلوۆ كەزدەسۋدە قازاقستاندى اۋعانستاننىڭ بەيبىتشىلىك پروتسەسى مەن قايتا قالپىنا كەلتىرۋ ىسىنە ۇلەس قوسىپ كەلە جاتقان ەل رەتىندە باعالادى. ءارى اۋعانستانعا استىق پەن استىق ونىمدەرىن ەكسپورتتاۋ، تەمىر جول جانە ينفراقۇرىلىمدىق جوبالاردى ىسكە اسىرۋعا، سونداي-اق، ءبىلىم بەرۋ سالاسىنداعى ىنتىماقتاستىقتى جالعاستى ساقتايتىنىن ايتقان.

اتامقۇلوۆ پەن ءازيميدىڭ كەزدەسۋىندە قازاقستان-اۋعانستان اراسىندا اسكەري تەحنيكالىق ىنتىماقتاستىق قولعا الىنۋى مۇمكىن ەكەنى ايتىلعان. ءوزىنىڭ كەزەگىندە ازيمي دە قازاق بيلىگى مەن باسشىسىنا ەلىنە كوڭىل ءبولىپ وتىرعانى ءۇشىن العىسىن دا بىلدىرگەن.

قازىر اۋعانستان جاعدايىندا كۇردەلى وزگەرىستەر بولىپ جاتقانى بەلگىلى. وندا دەرجاۆالار ويىن ەرەجەلەرىن جاڭالاپ، قادامدارىن جيىلەتە ءتۇستى. الەمدىك گەوساياساتتىڭ كەڭىستىگىندە اۋعانستان تاقىرىبى ءجيى تالقىلانىپ، ويىنعا قاتىسۋشى ەلدەر كوبەيە تۇسۋدە. بۇل رەتتە قازاق بيلىگى دە ءوزىنىڭ وڭىردەگى ءرولىن كورسەتۋى ورىندى دەۋگە بولادى.

“The Qazaq Times”