Iran-Izrail' qatınası şieleniste. Foto: NBC News.

Iran Mäjilisi Wlttıq qauipsizdik jäne sırtqı sayasat komitetiniñ törağası Haşmetullah Felahetpişe mälimdeme jasap, Irannıñ Izrail'ge qarsı qanday da bir soğıs josparınıñ joq ekenin ayttı.

Orta-Tayau Şığıstağı Iran men Izrail' arasında wzaq uaqıttan beri qayşılıqtı jağdaydıñ bar ekeni belgili. Bwğan deyin Irannıñ ruhani kösemderi men ükimet basşılarınıñ sözinen «Palestinanı azat etu armanı», «Sionizmdı tübirimen joğaltu» sekildi wrandar köbirek qaytalanğan. Irannıñ Süriya jerindegi qadamdarı öñirde Iran-Izrail' arasında soğıs boluı mümkin degen qauipti küşeytken bolatın.

Haşmetullah Felahetpiş Irannıñ sırtıq sayasatı turalı jasağan mälimdemesinde: «Iran-Izrail' arasında soñğı kezderi uşıqqan qarım-qatınasqa qaramastan Tehrannıñ (Tegeran) Izrail'ge qarsı soğıs josparı joq», – dedi.

Alayda, jaqında ğana eldiñ SİM basşısı Mwhammed Jevat Zarif halıqaralıq konferenciyada jasağan mälimdemesinde «Irannıñ Izrail'ge soğıs aşuı mümkin» degen sıñayda pikir bildirgen. Felahetpiş onı teriske şığarıp: «Iranda Tel'-Avivke qarsı soğıs josparı joq», – dep mälimdedi. Äri, SİM basşısınıñ sözinde artıq ketkenin aytqan.

“The Qazaq Times”