Foto: NBC News

Tramp bastağan AQŞ jaña ükimeti osığan deyingi qarsılıqtarğa qaramastan, neğwrlım qatañ erejeler şığaruda. Amerika şekarasın zañsız attağan migranttardı qamau men repatriaciya erejelerin jolğa qoyuda. Tipti olardı tez arada şekaradan şığarıp saluğa dayın otır.

Ükimet bwl naqtı pärmenderdi AQŞ köşi-qon zañın özgertu emes, qayta qoldanıstağı köşi-qon zañın qatañ türde atqaru dep tüsindirdi. Olardıñ körsetken mälimeti boyınşa Amerika Qwrama Ştattarında 11 mln zañsız migranttar bar.

Aq üydiñ 21 aqpandağı mälimdemesinde, tolıqtırılğan erejeler bosqındardı tolıqtay eline qaytarudı maqsat etpeydi. Biraq qwzırlı orındar migrant ökilderine jaña erejelerdi saqtaudı jükteydi dep tüsindirildi. Aq üy men İşki qauipsizdik departamenti joldağan habarda «Qazirdiñ özinde bwl elde twrıp jatqan zañsız twlğalar, bizdiñ qauipsizdigimizge qater töndiredi. Tikeley olay bolmağan künde de, qılmıs tudıruşılardıñ paydalanu ob'ekti boladı», – degen sındı tüsindiruler bar. Alayda İşki qauipsizdik departamentiniñ jaña erejeleri Obama ükimeti kezindegi «Balalar armanı aktisin» qoldanbaydı. Oğan körsetken sebep: osı erejeni paydalanıp AQŞ şekarasına 750 mıñ zañsız migrant kirip ketken dep otır.

Obama bilik jürgizgen segiz jılda, AQŞ Köşi-qon basqaru tarauları, tek  auır qılmıs jasağan zañsız immigranttarğa repatriaciya jasaudı qatañ saqtağan. Al, Tramp ükimeti şığarğan jaña ereje zañsız immigranttardı derlik şekteuge, qılmıs ötkizgenderin qamau men eline qaytaru sındı şaralardı atqaruda. Bwğan qosa, 21 aqpanda mälim bolğan erejeniñ eki tarmağında Keden jäne Şekara qorğau qızmetkerlerine de immigranttardı şekteu qwqığı berlgendigin körsetilgen. Obama biligi kezinde atqarılğan ereje boyınşa AQŞ-qa kirgen zañsız migranttardı 14 kün işinde şekaradan şığaru jäne el şekarasınan 100 ağılşın mil' qaşıqtıqqa deyin alıstatu kerektigi belgilengen. Al jaña normativte är qaysı Köşi-qon qızmetkeri, öziniñ AQŞ-ta twrğanına eki jıldan asqanın qwjat arqılı däleldey almaytın kez-kelgen immigrantqa erejeni atqaruğa erik berildi.

“The Qazaq Times”