ترامپتىڭ جاڭا ەرەجەسى. اقش-تاعى 11 ملن ميگرانتتى قاماۋ مەن رەپاترياتسيا كۇتىپ تۇر

ترامپ باستاعان اقش جاڭا ۇكىمەتى وسىعان دەيىنگى قارسىلىقتارعا قاراماستان، نەعۇرلىم قاتاڭ ەرەجەلەر شىعارۋدا. امەريكا شەكاراسىن زاڭسىز اتتاعان ميگرانتتاردى قاماۋ مەن رەپاترياتسيا ەرەجەلەرىن جولعا قويۋدا. ءتىپتى ولاردى تەز ارادا شەكارادان شىعارىپ سالۋعا دايىن وتىر.

ۇكىمەت بۇل ناقتى پارمەندەردى اقش كوشى-قون زاڭىن وزگەرتۋ ەمەس، قايتا قولدانىستاعى كوشى-قون زاڭىن قاتاڭ تۇردە اتقارۋ دەپ ءتۇسىندىردى. ولاردىڭ كورسەتكەن مالىمەتى بويىنشا امەريكا قۇراما شتاتتارىندا 11 ملن زاڭسىز ميگرانتتار بار.

اق ءۇيدىڭ 21 اقپانداعى مالىمدەمەسىندە، تولىقتىرىلعان ەرەجەلەر بوسقىنداردى تولىقتاي ەلىنە قايتارۋدى ماقسات ەتپەيدى. بىراق قۇزىرلى ورىندار ميگرانت وكىلدەرىنە جاڭا ەرەجەلەردى ساقتاۋدى جۇكتەيدى دەپ ءتۇسىندىرىلدى. اق ءۇي مەن ىشكى قاۋىپسىزدىك دەپارتامەنتى جولداعان حاباردا «قازىردىڭ وزىندە بۇل ەلدە تۇرىپ جاتقان زاڭسىز تۇلعالار، ءبىزدىڭ قاۋىپسىزدىگىمىزگە قاتەر توندىرەدى. تىكەلەي ولاي بولماعان كۇندە دە، قىلمىس تۋدىرۋشىلاردىڭ پايدالانۋ وبەكتى بولادى»، – دەگەن سىندى تۇسىندىرۋلەر بار. الايدا ىشكى قاۋىپسىزدىك دەپارتامەنتىنىڭ جاڭا ەرەجەلەرى وباما ۇكىمەتى كەزىندەگى «بالالار ارمانى اكتىسىن» قولدانبايدى. وعان كورسەتكەن سەبەپ: وسى ەرەجەنى پايدالانىپ اقش شەكاراسىنا 750 مىڭ زاڭسىز ميگرانت كىرىپ كەتكەن دەپ وتىر.

وباما بيلىك جۇرگىزگەن سەگىز جىلدا، اقش كوشى-قون باسقارۋ تاراۋلارى، تەك  اۋىر قىلمىس جاساعان زاڭسىز يمميگرانتتارعا رەپاترياتسيا جاساۋدى قاتاڭ ساقتاعان. ال، ترامپ ۇكىمەتى شىعارعان جاڭا ەرەجە زاڭسىز يمميگرانتتاردى دەرلىك شەكتەۋگە، قىلمىس وتكىزگەندەرىن قاماۋ مەن ەلىنە قايتارۋ سىندى شارالاردى اتقارۋدا. بۇعان قوسا، 21 اقپاندا ءمالىم بولعان ەرەجەنىڭ ەكى تارماعىندا كەدەن جانە شەكارا قورعاۋ قىزمەتكەرلەرىنە دە يمميگرانتتاردى شەكتەۋ قۇقىعى بەرلگەندىگىن كورسەتىلگەن. وباما بيلىگى كەزىندە اتقارىلعان ەرەجە بويىنشا اقش-قا كىرگەن زاڭسىز ميگرانتتاردى 14 كۇن ىشىندە شەكارادان شىعارۋ جانە ەل شەكاراسىنان 100 اعىلشىن ميل قاشىقتىققا دەيىن الىستاتۋ كەرەكتىگى بەلگىلەنگەن. ال جاڭا نورماتيۆتە ءار قايسى كوشى-قون قىزمەتكەرى، ءوزىنىڭ اقش-تا تۇرعانىنا ەكى جىلدان اسقانىن قۇجات ارقىلى دالەلدەي المايتىن كەز-كەلگەن يمميگرانتقا ەرەجەنى اتقارۋعا ەرىك بەرىلدى.

“The Qazaq Times”