Avstraliyada wşaq qwladı. Foto: New York Daily News.

Qıtay Sina.Net agenttigi Britaniyanıñ «Habar taratu korporaciyasına» silteme jasay otırıp habarlaydı – bügin, 21 aqpan, Avstraliyada bes adamdıq şağın wşaq apatqa wşırağan. Wşaq Avstraliyanıñ Mel'burn qalasındağı sauda ortalığınıñ mañına qwlağan. (Video Jaña Zelandiya SKY NEWS ).

Bwl wşaq apatı Hawker Beechcraft wşağınıñ Essendon (Essendon) äuejayına qonuğa bağıt alğan kezde tuılğan. Baqıtqa jaray, sauda ortalığınıñ aşılmağan kezine tura kelip, adam şığın az bolğan. Policiya tarauları apatqa wşırağan wşaqta bes adamnıñ bolğanın mälimdedi. Oğan qosa wşaqtıñ janıp jatqan bölşekterinen özge de jazatayım şırğalañdardıñ aldın alu şaraları jasalıp jatqanın aytadı.

Jergilikti aqparat qwraldarı wşaqtıñ janıp jatqandağı beyne körinisin taratıp ülgeripti. Beyne köriniske qarağanda sauda ortalığı men mañındağı ğimarattar aytarlıqtay zardap şekken. Avstraliya aqparat qızmetiniñ (ABC) aytuınşa, oqiğa ornına 13 ört söndiru kölikteri kelgen. Policiya tarauları şırğalañ sebebin wşaqtı meñgeruden ketken qatelik dep körsetti.

“The Qazaq Times”