Salman bin Abdulaziz. foto: livejournal.com

Saudiyalıq jurnalist Jamal Haşoggidiñ ölimi Er-Riyadtağı bilik ökilderiniñ auısuına äkeldi.

Beysenbi küni ötken jiın barısında Saud Arabiya bileuşisi Salman bin Abduläziz birneşe ministrlerdiñ orının auıstırğan. Sonımen qatar, Saud Arabiyasınıñ sırtqı ister ministri retinde äl-Assaftıñ orınına Ädil äl-Jubeyra tağayındaldı.

Stambuldağı Saud Arabiyasınıñ konsuldığına kirip, keri şıqpağan jurnalist Jamal Haşoggige izdestiru bastalğan bolatın. Arada birneşe kün ötkennen keyin, Washington Post basılımında belsendi türde qızmet etken Haşoggidiñ öli denesi bölşektelip qwdıqtan tabılğan boladı. Qazirgi tañda Türkiyanıñ wzaq merzimdi tergeu jwmıstarı mwnıñ arnayı josparlı türde jasalğandığın anıqtağan. Qayğılı oqiğağa qatısı bar degen küdikpen Saud Arabiyasınıñ 18 şeneunigi twtqındalıp, olarğa qatıstı sot processi jürude. Bwdan bölek, taq mwrageri Mwhammed bin Salmannıñ da qatısı bar ekendigi anıqtaluda.

AQŞ Prezidenti öziniñ ekonomikalıq seriktesin joğaltpau maqsatında taq mwrageriniñ bwl iske qatısı joq dep mälimdegen bolatın. Alayda, demokrattar Tramptıñ aytqanına senimsizdikpen qarap otır.

Saud Arabiyasındağı bilik ökilderiniñ auısuı äli de jalğaspaq. Al, taq mwrageriniñ bilikten ketu, ketpeui bolaşaqta anıqtalatın boladı.

"The Qazaq Times"