ساۋد ارابياسىنىڭ بيلەۋشىسى سالمان بين ءابدۋلازيز جاڭا سىرتقى ىستەر ءمينيسترىن تاعايىندادى

ساۋديالىق جۋرناليست جامال حاشوگگيدىڭ ءولىمى ەر-ريادتاعى بيلىك وكىلدەرىنىڭ اۋىسۋىنا اكەلدى.

بەيسەنبى كۇنى وتكەن جيىن بارىسىندا ساۋد ارابيا بيلەۋشىسى سالمان بين ءابدۋلازيز بىرنەشە مينيسترلەردىڭ ورىنىن اۋىستىرعان. سونىمەن قاتار، ساۋد ارابياسىنىڭ سىرتقى ىستەر ءمينيسترى رەتىندە ءال-اسسافتىڭ ورىنىنا ءادىل ءال-جۋبەيرا تاعايىندالدى.

ستامبۋلداعى ساۋد ارابياسىنىڭ كونسۋلدىعىنا كىرىپ، كەرى شىقپاعان جۋرناليست جامال حاشوگگيگە ىزدەستىرۋ باستالعان بولاتىن. ارادا بىرنەشە كۇن وتكەننەن كەيىن، Washington Post باسىلىمىندا بەلسەندى تۇردە قىزمەت ەتكەن حاشوگگيدىڭ ءولى دەنەسى بولشەكتەلىپ قۇدىقتان تابىلعان بولادى. قازىرگى تاڭدا تۇركيانىڭ ۇزاق مەرزىمدى تەرگەۋ جۇمىستارى مۇنىڭ ارنايى جوسپارلى تۇردە جاسالعاندىعىن انىقتاعان. قايعىلى وقيعاعا قاتىسى بار دەگەن كۇدىكپەن ساۋد ارابياسىنىڭ 18 شەنەۋنىگى تۇتقىندالىپ، ولارعا قاتىستى سوت پروتسەسسى جۇرۋدە. بۇدان بولەك، تاق مۇراگەرى مۇحاممەد بين سالماننىڭ دا قاتىسى بار ەكەندىگى انىقتالۋدا.

اقش پرەزيدەنتى ءوزىنىڭ ەكونوميكالىق سەرىكتەسىن جوعالتپاۋ ماقساتىندا تاق مۇراگەرىنىڭ بۇل ىسكە قاتىسى جوق دەپ مالىمدەگەن بولاتىن. الايدا، دەموكراتتار ترامپتىڭ ايتقانىنا سەنىمسىزدىكپەن قاراپ وتىر.

ساۋد ارابياسىنداعى بيلىك وكىلدەرىنىڭ اۋىسۋى ءالى دە جالعاسپاق. ال، تاق مۇراگەرىنىڭ بيلىكتەن كەتۋ، كەتپەۋى بولاشاقتا انىقتالاتىن بولادى.

"The Qazaq Times"