Türkiya men Iran prezidentteri. Foto; VOA News.

Iran prezidenti Hasan Ruhani bir kün bwrın jasağan mälimdemesinde, IIR men Türkiya arasında ıntımaqtastıqtı keñeytudi qolğa alğanın ayttı. Bwnday mälimdeme prezident Ruhani men Türkiya Wlttıq mäjilisiniñ törağası Yldırımen kezdesu kezinde ortağa salınğan. Bwl turalı türkiyalıq «Anadolı» jäne Irannıñ IRNA aqparattıq agenttiginiñ resmi sayttarı habarladı.

Öñirdegi geosayasi procesterde odaqtas retinde köringen Türkiya men Iran bwl jolı bank sektorları jäne energetika salalarında keñeytilgen ıntımaqtastıqtı közdep otır.

Iran prezidenti qazirgi qalıptasqan jağdayğa baylanısı Iran-Türkiya arasındağı ıntımaqtastıqtıñ mañızı turalı köbirek toqtalğan. Ol sözinde: «Türkiya bizdiñ twğırında berik twratın senimdi serik, äri dos el», – dep bağalağan. Sonday-aq, Anqaramen (Ankara) barlıq salada istestik ornatudı qalaytının aytıp ötti.

Süriya mäselesi, Şığanaq elderi qarım-qatınası, Orta-Şığıs qayşılıqtarı jäne AQŞ sankciyası sekildi öñirlik mäselelerde Iran men Türkiya biligi bir-birin jaqtap keledi. Äsirese, Süriya mäselesinde Resey, Iran, Türkiya üştigi mañızdı oyınşılar qatarında körindi. AQŞ-tıñ Iranğa bağıttağan sankciyası turalı da Anqara biligi Tehrannıñ (Tegeran) sözin söyledi. Bwl qatınas öñirdegi eki eldiñ arasındağı baylanıstıñ damuına türtki boluda.

“The Qazaq Times”