يران پرەزيدەنتى تۇركيانى دوس رەتىندە باعالايتىنىن ايتتى

يران پرەزيدەنتى حاسان رۋحاني ءبىر كۇن بۇرىن جاساعان مالىمدەمەسىندە، ير مەن تۇركيا اراسىندا ىنتىماقتاستىقتى كەڭەيتۋدى قولعا العانىن ايتتى. بۇنداي مالىمدەمە پرەزيدەنت رۋحاني مەن تۇركيا ۇلتتىق ءماجىلىسىنىڭ توراعاسى يلدىرىمەن كەزدەسۋ كەزىندە ورتاعا سالىنعان. بۇل تۋرالى تۇركيالىق «انادولى» جانە يراننىڭ IRNA اقپاراتتىق اگەنتتىگىنىڭ رەسمي سايتتارى حابارلادى.

وڭىردەگى گەوساياسي پروتسەستەردە وداقتاس رەتىندە كورىنگەن تۇركيا مەن يران بۇل جولى بانك سەكتورلارى جانە ەنەرگەتيكا سالالارىندا كەڭەيتىلگەن ىنتىماقتاستىقتى كوزدەپ وتىر.

يران پرەزيدەنتى قازىرگى قالىپتاسقان جاعدايعا بايلانىسى يران-تۇركيا اراسىنداعى ىنتىماقتاستىقتىڭ ماڭىزى تۋرالى كوبىرەك توقتالعان. ول سوزىندە: «تۇركيا ءبىزدىڭ تۇعىرىندا بەرىك تۇراتىن سەنىمدى سەرىك، ءارى دوس ەل»، – دەپ باعالاعان. سونداي-اق، انقارامەن (انكارا) بارلىق سالادا ىستەستىك ورناتۋدى قالايتىنىن ايتىپ ءوتتى.

ءسۇريا ماسەلەسى، شىعاناق ەلدەرى قارىم-قاتىناسى، ورتا-شىعىس قايشىلىقتارى جانە اقش سانكتسياسى سەكىلدى وڭىرلىك ماسەلەلەردە يران مەن تۇركيا بيلىگى ءبىر-ءبىرىن جاقتاپ كەلەدى. اسىرەسە، ءسۇريا ماسەلەسىندە رەسەي، يران، تۇركيا ۇشتىگى ماڭىزدى ويىنشىلار قاتارىندا كورىندى. اقش-تىڭ يرانعا باعىتتاعان سانكتسياسى تۋرالى دا انقارا بيلىگى تەھراننىڭ (تەگەران) ءسوزىن سويلەدى. بۇل قاتىناس وڭىردەگى ەكى ەلدىڭ اراسىنداعى بايلانىستىڭ دامۋىنا تۇرتكى بولۋدا.

“The Qazaq Times”