Foto: naked-science

Geolog mamandardıñ boljauınşa, Kaliforniya ştatında bolaşaqta ülken jer silkinisi men cunami boladı. Bwl turalı naked-science habarlaydı.

Kaliforniyadağı belgili geologiyalıq aqaudıñ saldarınan bükil AQŞ zardap şegui mümkin ekenin aytadı zertteuşiler. Ventura qalasınan 100 km jerde ornalasqan   Ventura Fault atalatın  jer qırtısınıñ jarılğan jeri bar. Ol Santa-Barbara men Golet eldi mekenderine qaraydı. Degenmen bwl jarıqtıñ bir böligi Tınıq mwhitqa jatadı. Ventura Fault jeri bwrınnan ğalımdardı qızıqtırıp keletin körinedi. Degenmen atalmış jarıqtı seysmikalıq twrğıdan  «eñ qauipsiz» jer dep eseptep jürgen. Olay bolmay şıqtı. Amerikalıqtar üşin bwl jerdiñ asa qauipti ekenin jetkizip otır.

Foto: naked-science

Sarapşılar komp'yuterlik modeldeu jwmıstarın jürgizgen. Osı aymaqtıñ tektonikası men seysmikalıq belsendiligin teksergen. Nätijesinde, Ventura Fault jeriniñ baspaldaqtı qwrılımı bar ekenin anıqtağan  jäne ol ğalımdar oylağanann da jer betine jaqın ornalasqan.

Bwl degeniñiz, Kaliforniyada  magnitudası 8,0 bolatın jer silkinisi boladı degen qauip bar. Mwnday jer silkinisteri jılına bir ret boladı jäne apattıñ saldarınan ülken zaqım keledi. Onıñ üstine joğarıda atağanımızday, Ventura Fault jeriniñ bir böligi Tınıq mwhitqa qaraydı. Sol sebepti jer silkinisi bolatın bolsa, artınşa birden ülken cunami bastalıp ketui mümkin dep boljaydı.

«The Qazaq Times»