اقش-تى ۇلكەن جەر سىلكىنىسى كۇتىپ تۇر

گەولوگ مامانداردىڭ بولجاۋىنشا، كاليفورنيا شتاتىندا بولاشاقتا ۇلكەن جەر سىلكىنىسى مەن تسۋنامي بولادى. بۇل تۋرالى naked-science حابارلايدى.

كاليفورنياداعى بەلگىلى گەولوگيالىق اقاۋدىڭ سالدارىنان بۇكىل اقش زارداپ شەگۋى مۇمكىن ەكەنىن ايتادى زەرتتەۋشىلەر. ۆەنتۋرا قالاسىنان 100 كم جەردە ورنالاسقان   Ventura Fault اتالاتىن  جەر قىرتىسىنىڭ جارىلعان جەرى بار. ول سانتا-باربارا مەن گولەت ەلدى مەكەندەرىنە قارايدى. دەگەنمەن بۇل جارىقتىڭ ءبىر بولىگى تىنىق مۇحيتقا جاتادى. ۆەنتۋرا فاۋلت جەرى بۇرىننان عالىمداردى قىزىقتىرىپ كەلەتىن كورىنەدى. دەگەنمەن اتالمىش جارىقتى سەيسميكالىق تۇرعىدان  «ەڭ قاۋىپسىز» جەر دەپ ەسەپتەپ جۇرگەن. ولاي بولماي شىقتى. امەريكالىقتار ءۇشىن بۇل جەردىڭ اسا قاۋىپتى ەكەنىن جەتكىزىپ وتىر.

فوتو: naked-science

ساراپشىلار كومپيۋتەرلىك مودەلدەۋ جۇمىستارىن جۇرگىزگەن. وسى ايماقتىڭ تەكتونيكاسى مەن سەيسميكالىق بەلسەندىلىگىن تەكسەرگەن. ناتيجەسىندە، Ventura Fault جەرىنىڭ باسپالداقتى قۇرىلىمى بار ەكەنىن انىقتاعان  جانە ول عالىمدار ويلاعانانن دا جەر بەتىنە جاقىن ورنالاسقان.

بۇل دەگەنىڭىز، كاليفورنيادا  ماگنيتۋداسى 8,0 بولاتىن جەر سىلكىنىسى بولادى دەگەن قاۋىپ بار. مۇنداي جەر سىلكىنىستەرى جىلىنا ءبىر رەت بولادى جانە اپاتتىڭ سالدارىنان ۇلكەن زاقىم كەلەدى. ونىڭ ۇستىنە جوعارىدا اتاعانىمىزداي، Ventura Fault جەرىنىڭ ءبىر بولىگى تىنىق مۇحيتقا قارايدى. سول سەبەپتى جەر سىلكىنىسى بولاتىن بولسا، ارتىنشا بىردەن ۇلكەن تسۋنامي باستالىپ كەتۋى مۇمكىن دەپ بولجايدى.

«The Qazaq Times»