foto: sputniknews.kz

Astana qalasınıñ jol tärtibin baqılaytın qızmetkerler osıdan birneşe kün bwrın Elbasığa tanıstırğan jaña ülgidegi formağa künge qarsı közildirik qosudı wsındı. Bwl turalı «Vremya» habarladı.

Qazirgi tañda elimizdiñ policiya qızmetkerlerine mwnday aksesuardı paydalanuğa tıyım salınğan. Sebebi, qara közildirik saqşınıñ betin jasırıp twradı. Sondıqtan täulik boyı jolda jüretin mamandar künniñ şağılısuınan aynalanı bağamdau qiın ekendigin jäne tañerteñ men keşqwrımda tipti naşarlaytındığın  mälimdegen.

19 qaraşa küni QR Prezidenti Nwrswltan Nazarbaevqa tanıstırılğan formada latın qaripinde «POLITSIIA» dep jazılğan. Alayda, bwl soñğı ülgisi emes. Sol sebepti tärtip saqşıları özderiniñ mümkindikterin mült jibermeudi oylastıruda. Biraq onıñ jauabı qanday bolatındığı äzirge belgisiz.

Köz därigerleriniñ aytuı boyınşa, künnen qorğanıs aksesuarı bolmağan jağdayda janardıñ torı men bwrşağı zaqımdanuğa alıp keledi. Bwl bolaşaqta körudi naşarlatıp, soqırlıqqa jetkizui de bek mümkin. Kündiz-tüni köşeni toruıldap, qaraqşılıq äreketterdiñ aldın alu üşin saqşılarğa közdiñ mıqtı boluı aldıñğı orında twruı tiis. Sondıqtan därigerler mwnıñ ziyanınan paydası köp deydi.

Qazirgi tañda qara közildirikti policiya qızmetkerlerin AQŞ, Braziliya sındı elderdiñ köşelerin oñay keziktiresiz. 2013 jılı Reseydiñ İşki İster Departamenti kavkazdıq saqşılar üşin on mıñ dana közildirikke tapsırıs bergen. Mwnıñ özi körşiles eldiñ de bwl bağıtqa bara jatqandığın meñzeydi.

Atalğan taqırıp halıqtıñ oyın eki jaqqa bölip jiberdi. Biri, forma kigen saqşığa közildirik jarasımdı dese, endi bir jağı qazaq policiyası özderin mıqtı sezinip, mwrındarın şüyirip aluı da ğajap emes deydi. Sonımen birge közildiriksiz körmey jürgen dünieler, endi mülde tasada qalıp qoyadı dep şulasqandar da jeterlik.

Negizinen 2019 jılı tınıştıqtı küzetetin mekemede formadan bölek birqatar özgerister bolatındığı anıq. Sebebi, jaña reformağa baylanıstı policiya qızmetkerleriniñ 10 payızı qısqarıp, orınında qalğandardıñ aylıq esebi artatın boladı. Alayda, jemqorlıq jaylağan mekemelerdiñ birine aynalğan orınnan, jwrtşılıq ädiletti özgeris bolatındığına kümändi.

"The Qazaq Times"