Foto: arena.press

Nobel' sıylığınıñ laureattarı men belgili ğalımdar Wlıbritaniyanıñ EO-dan şığuı şarttı türde ğalımdardıñ zertteuleri üşin kedergiler tudıruı mümkin dep qauiptenedi. Olar osı maqsatta bilikke hat joldağan. Bwl turalı BBC habarladı.

Britaniya prem'er-ministri Tereza Mey men Eurokomissiya törağası Jan-Klod YUnkerge joldanğan hatqa Nobel' sıylığınıñ 29 laureatı men «Filds» sıylığınıñ tört iesi qol qoyğan. Hatta ğılımdı damıtu üşin adamdardıñ eş kedergisiz eñbek etip, ideyalardıñ jüzege asuı üşin jağday jasau qajettigi aytıladı.

Britan biohimigi, medicina men fiziologiya salasındağı Nobel' sıylığınıñ laureatı jäne Wlıbritaniya onkologiyalıq zertteuler qorınıñ basşısı Pol Ners: «Ğılım – köptegen jahandıq mäselelerdi şeşuge, olardıñ qatarında birqatar aurulardı emdeuge, «taza energiya» öndirisine jäne halıqtı azıq-tülik qorımen qamtamasız etedi. Biraq, osı mäselelerdi şeşuge üles qosu üşin tiisti jağdaylar qajet. Äsirese, darındı zertteuşiler eş kedergisiz jwmıs istey aluı tiis», – dedi. Sonday-aq, hatta Britaniya men Euroodaq biligi «Brexit» şeşiminen soñ ğılımğa eşqanday zardap keltirmeytinine kepildik berui mindetti delingen.

Ğalımdardı ne alañdatadı?

Britaniya Euroodaqtıñ qwramında bolğan uaqıtta britandıq ğalımdar ğılımğa bölingen qarajat esebinde europalıq granttardı ielengen. Endi Britaniyadağı ğılım salaların jıldıq qarjılandıru şamamen milliard funt (1,3 mlrd dollar) köleminde qısqaruı mümkin. Osı orayda Europa boyınşa eñ iri biomedicinalıq zertteu ortalığı sanalatın Londondağı Frensis Krik institutınıñ qızmetkerleri arasında «Brexit»-ke qatıstı saualnama jürgizilgen. Instituttağı qızmetkerlerdiñ 40%-ı EO elderiniñ azamattarı bolğandıqtan, zertteuşilerdiñ basım böligi qarjılıq qoldau tauıp, Britaniyada qaladı degen. Al qalğan 51%-ınıñ oyınşa, ğalımdar Meydiñ şeşiminen keyin elde jwmıs isteudi jalğastırmaydı.

Al Britaniya Ükimetiniñ ökili: «Biz europalıq äriptesterimizben ğılım men innovaciyada jaqsı baylanısta bolamız. Elge älemdik deñgeydegi ğalımdar men zertteuşilerdi şaqırıp, bwrınğıday ğılım jolındağı belesterdi bağındıratın bolamız», – dedi.

"The Qazaq Times"