Erdoğan Vengriya prezidenti YAnoş Adermen kezdesti. Foto: Anadolı.

Türkiya prezidenti Rejep Tayıp Erdoğan türik biliginiñ delegaciyasın bastap Vengriyağa jasağan saparı ayaqtaldı. Kezekti saparda Erdoğan Vengriya prezidenti YAnoş Ader, prem'er-ministr Viktor Orban jäne Parlament basşısımen jekelegen kezdesuler ötkizdi. Sonday-aq, türik biliginiñ delegaciyası men Vengriya ükimetiniñ ökilderi keñeytilgen otırıstar ötkizdi.  Bwl turalı Türkiyanıñ «Anadolı» aqparattıq agenttigi habarladı.

Türkiya-Vengriya arasındağı dialogta eki eldiñ qarım-qatınasın joğarı deñgeyge köteru mäseleleri qolğa alınğan jäne ükimetter arasında birqatar jaña kelisimder jasalğan.

Eki el arasında keñeytilgen otırıs ötkizildi. Foto: Anadolı.

Prem'er-ministr Viktor Orbanmen bolğan kezdesuden keyin birlesken baspasöz jiının ötkizdi. Sapar kezinde Erdoğan Türkiyanıñ Europa Odağına degen wmtılısında Vengriyanıñ tabandı qoldau körsetkenine alğısın bildirdi. Orban mälimdemesinde: «Eki el arasındağı baylanıs öte joğarı deñgeyde. Vengriyanıñ qauipsizdigi Türkiyamen tikeley baylanıstı. Türkiyada twraqtılıqtıñ boluı bizdiñ de qauipsizdigimiz ben twraqtılığımızdı qamtamasız etedi. Äsirese, bosqındar mäselesinde Türkiya bizge ülken qorğan bolıp otır», – degen.

Erdoğan birlesken baspasöz mälimdemesinde Europa Odağına degen ökpeli uäjin jayıp saldı: «1963 jıldan qazirge deyin Europa Odağı bizdi küttirumen boldı. EO-nıñ eşbir eli mwnday zwlımattı körmedi. Bizge «iä» nemese «joq» degen jauaptı da bermedi. Aşığın aytuı kerek edi. Biz sabırlıqpen kütudemiz. Degenmen, osı jıldarda Vengriyanıñ bizdi soñına deyin qoldağanına alğıs bildiremiz», – dedi.

Vengriya saparına Erdoğanmen birge jwbayı Emine Erdoğan, Prezident apparatınıñ resmi ökili Ibrahim Kalın, SİM basşısı Mevlüt Şavşoğlu, sauda ministri Ruhsar Pekjan, komunikaciya ministri Mehmet Jahit Turharn jäne Erdoğannıñ «Ädilet jäne damu partiyasınıñ» orınbasar jetekşisi Jevdet Ilmaz qatarlı resmi ökilder de barğan.

“The Qazaq Times”