Foto: worldbulletin.net

Izrail' prem'er-ministri Bin'yamin Netan'yahudiñ BWW BA-nıñ 73-sessiyasında Irannıñ jasırın atom qoyması bar ekendigine qatıstı jasağan mälimdemesi halıqaralıq dauğa aynaluda. Bwl turalı franciyalıq 20minutes.fr habarlaydı.

Endi, AQŞ prezidenti Donal'd Tramp AEHA-nı (Atom energiyası jönindegi halıqaralıq agenttik) Netan'yahudıñ osı mälimdemesine qatıstı jedel tekseris jasauğa şaqıruda.

«Ortaq qauipsizdigimiz üşin Irannıñ atom nısandarı bar ma, joq pa tekseru kerek», - delingen AQŞ Memlekettik departamentiniñ mälimdemesinde. Eske salayıq, osığan deyin prem'er-ministr Netan'yahu Izrail'diñ qolında Irannıñ jasırın qoymasın äşkereleu üşin jetkilikti aqparattıñ bar ekenin aytqanın jazğan edik. Tehran basşılığı da öz kezeginde Izrail'diñ yadrolıq qaru-jaraq bağdarlamasın moyındauğa şaqırğan bolatın. Endi, eger AHEA osı mäselege qatıstı tekseristi bastağan jağdayda, Netan'yahu Irandı äşkere etuge jetkilikti ekenin aytqan aqparattardı halıqaralıq agenttikke beruge mindettelmek.

“The Qazaq Times”