Foto: mtdata.ru

Bügin Britandıq gazetterde Reseydegi sayasi jağdaylar talqılandı. Basılımdardıñ birinde «Putin öz ötiriginen soñ älemge qalay qaraydı?» – degen maqala jarıq körgen.

Maqalada Solsberidegi jağday büge-şigesine deyin bayandaladı. Eks-tıñşı Sergey Skripal' men YUliya Skripal'derdi uladı degen küdiktiler turalı jaña derekter keltirilgen. Bellingcat pen The Insider basılımdarı Skripal'derdi «ulağan» küdiktiniñ biri laqap atpen jürgen äskeri qızmetker Anatoliy Çepiga ekenin ayttı.

Al Daily Mail tilşileri köptegen jıldar boyı Reseyde qızmet etken jurnalist, jazuşı Ouen Met'yuzge tüsinikteme alu üşin habarlasqan. Öz swhbatında ol: «Küdiktilerdiñ biri joğarı şendi Anatoliy Çepiga (polkovnik) osı uaqıtqa deyin laqap atpen jürgen. Sonday-aq resmi twlğalardıñ küdik tudırmau äreketterin qwptap, Britaniyada operaciya jürgizu turalı şeşimge eş qarsılıq bldirmegen. Bir ökiniştisi, Skripal'derdiñ ulanuına V.Putinniñ tikeley qatısı bar», – deydi. Sonday-aq basılımda: «Küdiktilerdiñ atı-jöni mälim bolğan kezde, Putin sandıq älemdegi kezekti «analogtıq ötirigin» oylap taptı. Olar birlese satqındarmen küresudiñ ornına, jalğan swhbat jasap, külli älem alında aqtalıp şıqqısı keldi. Bwl – taza aqımaqtıq!» – deydi.

Gazetterde «detektivten fantastikağa aynalğan Skripal' isinen soñ Batıs elderi Putinniñ äreketin keşire me jäne Tereza Mey Reseyge qatıstı jaña sankciyalar engize me?» –  sındı saualdar qoyılğan. Eger Birikken Korol'diktiñ boljamı däl kelse, Reseydiñ basına qara bwlt üyirilmek. Sebebi Tereza Meydiñ kezekti şeşimi AQŞ sankciyaldarınıñ artuına da sebep boladı.

"The Qazaq Times"