Foto: AF

KHDR men Oñtüstik Koreya basşılarınıñ sammiti AQŞ ta qatısatın üş jaqtı kelissözderge jol aşadı. Bwl turalı Koreya Respublikasınıñ KHDR jönindegi arnayı ökili Li Du Hun mälimdedi, - dep habarlaydı liberation.fr.

«Sammitte qol jetkizilgen kelisimşarttar üş jaqtı dialogqa (Phun'yan, Seul, Uaşington) jol aşadı», - degen Du Hun, osınıñ körsetkişi retinde Seul men Uaşingtonnıñ ekijaqtı keñes almasu kezdesulerin atauğa bolatının ayttı. Oğan aldağı aptada bolatın Oñtüstik Koreya men AQŞ prezidentteriniñ kezdesuin mısalğa keltirdi. Sammit qorıtındısı boyınşa yadrolıq qarudan bas tartuğa şeşim şığarılıp, endi barlıq taraptar osı bağıt boyınşa naqtı qadam jasauları kerek. Eske salayıq, bwdan bwrın AQŞ barlau wyımı yadrolıq qarudan bosatuğa jasalğan qadamdarğa qaramastan, KHDR yadrolıq qaru jasaudı äli jalğastıruda dep habarlağan edi. Bärimizge belgili, 12 mausımda Singapurda tarihta alğaş ret AQŞ pen KHDR-nıñ arasında joğarı deñgeydegi kezdesu ötken edi. Tramp pen Kim Joñ In kelissözder qorıtındısı boyınşa ortaq qwjatqa qol qoydı. Onda Phen'yan Korey tübegin yadrolıq qarudan tolıq bosatuğa dayın ekenin habarlap, al AQŞ oğan qauipsizdikke kepildik berue mindettelgen bolatın.

“The Qazaq Times”