Foto: worldbulletin.net

Bügin Tehranda (Iran, Tegeran) Resey, Iran jäne Türkiya prezidentteriniñ sammiti bastaldı. Bwl — süriyalıq deeskalaciya aymağındağı bitim rejimin saqtauğa mindettelgen kepil-elderdiñ üşinşi kezdesui. Bwl turalı worldbulletin.net habarlaydı.

Birinşi kelissöz 2017 jıldıñ qaraşa ayında Reseydiñ Soçi qalasında ötti. Ekinşi sammit osı jıldıñ säuir ayında Ankarada boldı. Kelissözder qorıtındısı boyınşa, taraptar jwmıstı jalğastıratındarın bildiretin ortaq mälimdeme qabıldadı.

Ötken jılı Vladimir Putin, Rejep Tayıp Erdoğan jäne Hasan Ruhani Süriya wlttıq dialogınıñ Kongresiniñ ötkizu bastamasına erekşe köñil böldi. Eske salayıq,  Süriya Arab Respublikasınıñ (SAR) türli etnikalıq  jäne dini toptarı ökilderiniñ kongresi üstimizdegi jıldıñ qañtarında ötti.

Ankarada ötken ekinşi sammit qorıtındısı boyınşa, SAR-dıñ memlekettik qwrılımı süriyalıq qaqtığısqa qatısuşı taraptardıñ ökilderiniñ arnayı konstituciyalıq komitetin belgileu kerek edi, osı iske küş saluğa BWW-nıñ Süriya isi jönindegi arnayı elşisi Stefan de Mistura uäde bergen.

Bügin, 7-qırküyek sammitiniñ negizgi taqırıptarınıñ biri Süriyanıñ Idlib qalası töñiregindegi ahual bolmaq. Aqparat qwraldarınıñ jazuınşa, liderler «Süriya mäselesin retteudiñ barlıq aspektilerin» talqılauğa nietti.

Ötken jılı Iran, Resey jäne Türkiya SAR territoriyasında deeskalaciya aymağın qwruğa kelisken edi. Taraptar osı arqılı aymaqta qaqtığıstı toqtatu rejimin saqtauğa mindettelgen bolatın. Alayda, bwl bitim DAIŞ, «Djabhat än-Nusra» sındı terrorlıq toptarğa qatısı bolmağan. Al, deeskalaciyalıq aymaqtardıñ biri SAR-dıñ batısında ornalasqan Idlib boluı kerek edi.

“The Qazaq Times”