Foto: eadaily.com

Irannıñ Sırtqı ister ministri Bahram Gasemi Aldağı uaqıtta Iran, Resey jäne Türkiya elderi basşılarınıñ qatısuımen ötetin Süriya mäselesi boyınşa üş jaqtı sammit osı eldegi «qauipsizdik, twraqtılıq jäne beybitşilikke aparatın qadam bolmaq» , - dep mälimdedi. Bwl turalı  "eadaily.com" Iran SİM-ne silteme jasap.

Bärimizge belgili, atalğan sammit 7 qırküyekte Tehranda (Tegeranda) memleket basşıları men Sırtqı ister ministrleriniñ qatısuımen ötedi dep kütilude.

«Süriyadağı dağdarıs osı kezdesude tübegeyli şeşiledi dep küte almaymız. Alayda, biz bir mäselede, yağni sayasi mäselede ımırağa keluimiz mümkin dep esepteymiz», - dedi Irannıñ SİM Bahram Gasemi. Osı sammitte Süriyanıñ Türkiyağa jaqın ornalasqan Idlib qalasınıñ soltüstik-batısındağı jağday söz boladı dep kütilude.

Eske salayıq, üş eldiñ basşıları Rejep Tayıp Erdoğan, Vladimir Putin jäne Hasan Ruhani Süriyadağı jetijıldıq soğıstı toqtatuğa qatıstı mäseleni talqılau üşin Ankarada bas qosqan edi.  Osı elder Süriyadağı qaqtığıstı toqtatuğa kepil boluğa şeşim şığarıp, 2016 jıldan bastap süriyalıq qaqtığıstı retteu boyınşa beybit kelissözder ötkizip keledi. Sonımen qatar, B.Gasemi süriyalıq ükimettiñ ötinişimen irandıq äskeri keñesşilerdiñ «terrorizmmen küresu» üşin  Süriyada äli de qalatındıqtarın mälimdedi.

“The Qazaq Times”